جمال مبارك | المرشحين للرئاسة | انتخابات الرئاسة 2011

مصريات

جمال مبارك هل كونه ابن الرئيس مبارك هو مؤهله الوحيد للفوز في انتخابات الرئاسة 2011 اذا فكر في التقدم لها ام ان اقحامه في العمل السياسي و كونه امين السياسات في الحزب الوطني سوف يزيد من رصيده وتأييد الاغلبية له

العمر وقت الترشح: 48 سنة

الوظيفة الحالية: عمل في السابق موظفاً في بنك أوف أمريكا في لندن، لكن لا أحد يعرف له وظيفة حاليا، هو أمين مساعد الحزب الوطني وابن الرئيس، لكن للأسف من الصعب كتابة هذا في خانة الوظيفة بالبطاقة الشخصية!

نسبة ترشحه : 50%

مؤهلات ترشحه: يكفيه طبعا أنه ابن رئيس الجمهورية، الذي يشارك في إدارة بعض تفاصيل الحكم منذ عدة سنوات دون أي ورقة رسمية تثبت هذا طبعاً، باستثناء قول عابر قاله الرئيس مبارك في حوار تليفزيوني سابق بأن نجله جمال يساعده في الحكم كما كانت تساعد ابنة الرئيس الفرنسي السابق جاك شيراك والدها، مع الإشارة إلى أن دور ابنة شيراك في الحكم انتهي بخروج أبيها من المنصب على عكس المتوقع مع جمال.

هناك من يعتقد أن كونه ابناً من أبناء «البيت الرئاسي» يتيح له أن يجمع خبرات جيدة تجعله «رئيساً جيداً»، بالإضافة إلى أنه خريج الجامعة الأمريكية، أي: يستطيع تحدث الإنجليزية بطلاقة «غني عن الذكر أن مدرسي الإنجليزية في المدارس الإعدادي يتحدثون الإنجليزية بطلاقة أيضا»، وله دراسات جيدة في المجال الاقتصادي وهي التي ظهرت نتائجها المروعة على الشعب المصري في السنوات الفائتة، كما تجمعه علاقات جيدة ببعض الشركات العابرة للقارات وأصحاب البزنس في مختلف دول العالم، وانخرط في السياسة بشكل واضح منذ عام 2002، وترقي في منصبه داخل الحزب الوطني، وتعامل مع الأمر بجدية، حتى إنه نال كورسات مكثفة في بريطانيا حول إدارة الانتخابات، وهي كورسات تشبه كورسات د.محمد عبد الهادي التي ينالها كل الراغبين في احتراف التمثيل.

سيترشح عن: الحزب الوطني الديمقراطي

هل هناك معوقات لترشحه؟: أن يقرر الرئيس مبارك الاستمرار في منصبه.. أو أن يزيد الضغط الشعبي فيمنعه من الترشح.. وإن ظل الاحتمال الأخير ضعيفاً.

مؤيدون محتملون: هناك مجموعة كبيرة من أصحاب المصالح المرتبطة بصعوده إلى كرسي الرئاسة، والقائمة تضم رجال أعمال، وسياسيين-بعضهم محسوب على المعارضة-، البابا شنودة سبق وأعلن تأييده له، وهو ما يعني أن هناك بالتبعية عددا كبيراً من الأقباط سيصوتون له-المشكلة من منهم سيذهب للجان الانتخابات أصلا؟!- يمكن أن نزيد على هؤلاء، أعضاء الحزب الوطني اللي هم 2 مليون خليك فاكر- وزملاءه السابقين في الجامعة الأمريكية- مع أنهم قد يندهشون من كونه ترشح على منصب الرئيس وهو لم يترشح في انتخابات اتحاد الطلاب من قبل- ولا ننسي أهالى العجوزة القديمة الذين يفطر معهم سنويا في رمضان، ويحيطونه بحب حقيقي من الغلب الذي يعيشون فيه، بالإضافة إلى سيدة الصعيد التي طلبت منه في إحدي الزيارات أن يساعدها في شراء بقرة- بشرط أن يكون لها بطاقة انتخابية- بجانب صاحب الكشك الصغير في شارع طلعت حرب الذي يضع أعلى محله صورة تجمع بين الرئيس مبارك ونجله جمال، وبعض الصحفيين والإعلاميين المستقلين الذين لا يرون مشكلة في أن يأتي جمال مبارك رئيساً بشرط أن تكون الانتخابات نزيهة.. شوف إزاي؟!

معارضون محتملون: كل من يرفضون مشروع التوريث جملة وتفصيلا، ولا يرون في جمال مبارك شخصية خارقة للمعتاد حتى يمكن تجاوز الدستور والقانون في سبيل وصولها إلى كرسي الرئاسة، والملايين الذين عانوا ولا يزالون من ظروف معيشية واجتماعية واقتصادية وسياسية سيئة طوال حكم الرئيس مبارك والحزب الوطني ويخشون استمرار ذلك حال تولي جمال مبارك منصب الرئيس.

اخبار ومواضيع ذات صلة:

44 comments
  1. يا جمال انت فى جمهورية مش مملكة ولازم يكون رئيس الجمهورية من ابوين وجدين مصريين عيب انت ممكن تشتغل فى اى شركة وابعد عن الرئاسة ايمن نور

  2. مصرى 06/03/2011 01:36 -

    انا مش مصدق التعليقات اللى فى الموقع ده وترشيحهم لجمال مبارك لرئاسه الجمهوريه وعموما هو سيقف أمام العدالة قريبا هو أبيه وأمة وأخيه وزجته وحماه واقاربه ومعاونيه وأصدقاءة وبعين نبقى نفكر فى مسأله الترشيح على مهلنا بس انتم ادعوا له

  3. مش لازم 30/11/2010 23:43 -

    علي راي المثل (الشعب اتناك في افكاره وبضانه اتنفخت)

  4. كمال الاسيوطى 28/11/2010 00:04 -

    بسم الله الرحمن الرحيم

    ___________اولآ الله يكون فى عون اللى هيكون رئيس _________انا اوئيد جمال مبارك لانه يعلم كل كبيره وصغيره فى الحياه السياسيه -________بغض النظر عن عمليه التوريس لانه منتخب من قبل الشعب-________ولكن عليه الاتى1- محاربه الفساد2-يكون حريصآ علا كرامه المواطن المصرى3-يضع الرجل المناسب فى المكان المناسب4-المساواه فى الظلم عدل5-ان يكون حازمن من اى تدخل فى شؤن وطنه6- النظر الى المواطن الفقير وتوفير لقمه العيش لهم 7-نتمنى من الله عز وجل ان تكتفى مصر ذاتيآ علا يديك من سلع غذائيه وقمح والله الموفق والمستعان

  5. أحمد الرفاعى على المصرى 18/11/2010 12:12 -

    أنا من الأقصر وأرى أن جمال مبارك هو الأنسب والأصلح لأنه مارس الحياة السياسية عن قرب ويعلم ويعرف الكثير عن أحوالنا نحن الفقراء ومجيئه للحكم هو نصرة كبرى لنا نحن المصريين الفقراء وأؤيده بشدة وتفائلى بأن أول أسمه جمال يعنى بالعربى على اسم الزعيم الراحل جمال عبد الناصر،،، فسر ياجمال وعلى بركة الله وكن عند حسن ظننا بك والله يوفقك ومرة أخرى أنت الأنسب ،،

  6. ياسر 28/10/2010 22:09 -

    انا بحب جمال مبارك بجد والله وانا اول واحد هيرشح جمال عشان هوة يستهال بجد كل حاجة حلوة انا اسمى ياسر وانا نفسى بجد انى جمال مبارك ينجع والله

  7. nasser ammar 25/10/2010 17:18 -

    اى انسان واعى لن ينظر الى اى مرشح آخر فى حالة عدم ترشيح الرئيس نفسه الا الى السيد الاستاذ جمال مبارك كفايه انه راجل محترم ثقافته عاليه جدا ملم بالامور السياسيه منذ نعومة اظفاره حتى تدرج واصبح امين عام السياسات لأكبر حزب فى مصر وطبعا كفايه انه شاب متزن بجد وده تلمسه وتحسه عندما تستمع اليه ويارب يارب تجنبنا شر الفرقه وتوحدنا على كلمه واحده علشان مصرنا الحبيبه الغاليه وتبعدنا عن اصحاب الاجندات المستوردة واصحاب المنافع والمصالح والله الموفق

  8. اشرف عبد الباسط 25/10/2010 05:27 -

    انا اوافق السيد احمد سامي الراي وبشده ده كلام المنطق . مين موجود غير السيد جمال مبارك يصلح انه يحكم مصر ؟ فلان اللي طول عمرة برة مصر وما يعرف شيء عنها ؟ ولا علان اللي ما قدر يقول العراق ما فيها …….. ؟ ولا علان اللي مش قادر يسيطر علي حزب اعضاؤه لا يتجاوزوا ال10000 ؟ وازاي تقدر تحكم علي غيره انه ينفع ؟ لسة هنجرب تاني ونكرر تجارب بعض الدول زي الجزائر مثلا ونقدر نتحمل اللي بيحصل فيها حتي الان ؟ احنا شعب عاطفي ودايما بنحتكم الي عواطفنا ياريت مرة نفكر ونحكم عقولنا في امور مصيرية ممكن نبقي بيها وممكن نهدم بلدنا برده بيها .. بعض الناس بيتكلموا وبيقولا ماهي البلد مهدودة اصلا .. ليه انا باتحدي ان يكون في دوله عربية بخلاف مصر والسعودية عاشت هذا الاستقرار كل هذه الفترة يااخوانا مش احنا بس اللي بنعاني من غلاء وبلاء وبعض المضايقات التي قد تصيب البعض بذنب البعض الاخر فيه دول ما يتفعش فيها انك تسيب لحيتك بس يتغير لون الجلد فيها وانا علي فكرة ملتحي ولا انتمي لاي جماعات بس بحب السنة .. ياريت نحسب امورنا قبل ما ناخد قرار فيها .. ويارب نسالك التوفيق لبلدنا وان يجعلها دائما امنا وامنا واستقرارا . قولوا امين ..

  9. عصام محمد احمد محمد على 02/10/2010 20:27 -

    انشاء اللة هاتنجح بامر الواحد الاحد يا سيادة الرئيس جمال محمد حسنى مبارك مقدما

  10. عصام محمد احمد محمد على 02/10/2010 20:23 -

    سدقونى اصلح واحد لرئاسة الجمهورية جمال مبارك واللة العظيم انا فقير مش غنى علشان هيخلى مصر فيها سلام زى ولدة سدقونى اوعو تفتكرو البردعى عارف حاجة عن مصر لا احنا عاوزين راجل من ظهر راجل واحد منا فاهم الغنى على اية والفقير على اية وهوة السيد جمال مبارك بازن واحد احد عصام من بلبيس شرقية بسا تين بركات

  11. احمد محمد على فوده 01/10/2010 20:00 -

    جمال مبارك سامع الناس بتقول ايه والله العظيم لو تقدمت لرئاسه الجمهوريه جمال من غير مبارك لتفوز المشكله الشباب متاكدين انت الى تخلصهم والشعب واثق بكدا لكن الخوف مش منك الخوف من الوزراء ورجال الاعمال الى واكلين البلد لو تخليت عن دول ورحت للشعب جمال بلا مبارك والله الشعب كله هيكون وراك تحلص من الوزراء الى بقى لهم سنين على قلوبنا دى ينهب ودى يشرع زى ماهو عايز ولا رجال الاعمال الى عاوزين يتاجروا بقوت عالينا فهمها يا جمال الشعب مش عايز رئيس يقول ساسيات خارجيه عايز رئيس يقول سياسات داخليه بمعنى ياشعب مصر انا معاكم كلمه والله لوقلتها ونفذت منها جزء صغير الشعب كله هيكون وراك على فكره انا باكره الحزب الوطنى من افعاله فيك تغير الفكر وتعطى فكر انا منكم والكم هتلاقى كل الشعب وراك ياريت حد يفهم

  12. احمد محمد السيد عبدالعال 22/09/2010 14:59 -

    الوحيد الذى يصلح فى انتخابات الرئاسة هو بيت الرئاسة جمااااااال مبااااااااارك

  13. تامر الشوربجي 21/09/2010 21:48 -

    السيد جمال هو الاحق من أي حد من الرئاسه فاهم أومور الدوله مش زي ناس تنزل تخربها لازم نشوف مين هيقدر ينفع يكون رئيس هو السيد جمال مبارك أن شاء الله

  14. محمدعمر عدى ده اسم الشهره 19/09/2010 07:29 -

    والله العظيم انا بحب جمال مبارك جدا مش عارف ليه ان كان فيه خير على توليه الحكم فى مصر ربنا يوفقوا مع تحيات شعب الصعيد وبالاخص اسيوط ديروط

  15. أشرف 08/09/2010 06:16 -

    والله كويس بس الفساد كثير قوى عليه . . الفساد كتر وأصبح عينى عينك ذى الصينى اللى ملأ السوق . . الله يقويه . . أبوه فلته صحي . . غزاى اتحمل إدارة وتسيير الشعب ده المدة دى كلها الله يرحمه فى حياته ويكرمه فى حياته على اللى عمله واللى شافه . . عجيبه كيف يتحمل إدارة هذا الشعب . . سوف يدخل الجنة بعون الله . . ربنا يدليه الصحة وطول العمر . . بس الفساد ياريت يقل شوية والباعة الصينى تقل شوية.

  16. محمد 04/09/2010 17:05 -

    انما المسلمون اخوة فان كان رئيسا ليس هناك مايمنع ولكن ليس الدور كله منصبا على الرئيس نحن نعلم ان الحياة تعاون وذلك عن تجربة شخصية فبدون اتحاد الشعب سويا سوف لا يكون هناك نهضة فلنبدا بالمواطنين اولا حيث يقوم كل عامل وموظف وربة بيت بالدور الذى كفله الله اولا ثم المجتمع بالشكل الذى يرضاه الله عز وجل ورسوله صلى الله عليه وسلم بعد ذلك سيكون نصرا مؤكدا فى شتى المجالات بعد (القضاء على الرشوة- الغش- الفاحشة – )

  17. مواطن 30/08/2010 23:30 -

    لن ارشحة اذا اقدم على الأنتخابت الرئاسيه
    مش هو لو نجح مش بالرشاوى او المخادعات
    دول عاوزين مملكة مصر العربية
    مش جمهورية مصر العربيه
    ولو نجح زده لمصلحة رجال الاعمال والزباط و الوزراء………………الخ
    وده طبعا بعد عصر دم الشعب

  18. سيف طاهر 09/08/2010 20:10 -

    انا اوايد جمال مبارك للرئاسة لانه الشخص المناسب لهذا المكان و هذا الكرسى العظيم شخص مثل السيد جمال مبارك هو الاصلح على الاطلاق بلبدى كده هو واحد شبعان مش لسة حيجى ياكل فى البلد ويطلع عين ابونا و يعيشنا فى ضنك ده راى مع احترامى لجميع من يعارضونى
    ( اختلاف الراى لا يفسد للود قضية )

  19. محمد غنيم 02/08/2010 07:19 -

    انا اؤيد السيد جمال مبارك… اولا لانة شاب وحاسس بمشاكل الشباب.. ثانيا لانة سياسى وادرى الناس بالسياسات بالدول الاخرى لان دى مش مهمة سهلة واحنا مش مستعد ين لاى حد غيرة للمعاملة مع الدول الاخرى وانا حاسس اننا ان شاء الله هنتقدم معاة للامام ويارب يكون هو الرئيس القادم

  20. كريم 31/07/2010 12:52 -

    احنا بنحبك اوي وعرفين اننتا ادها

  21. كريم 31/07/2010 12:50 -

    ربنا معاك ياجمال الرجل المناسب في المكان المناسب

  22. خوخة 30/07/2010 03:28 -

    أأويد جمال مبارك وبقول له الف مبروك وتهنانينا

  23. Hamed Hassanin - Hamburg 21/07/2010 09:31 -

    بـسـم الــلــه الـرحـــــمن الرحـــــيم
    دعـونـا نتـكلم اليوم بـمنطـق يفهمه كل فـئات الـشعب
    كـلنا سمعنا وقـرآنا عن الإعلانات عن وظـائف خـالية
    وسمعنا أيضا بأن فى حـالة وجـود وظيفة خـالية لجهة مـحترمة فلابد من وجـود شروط وأول الشـروط تبدأ غـالبا
    ١ – شـهاد خـبرة فى هـذا المـجال لاتقل عن عشـر سنوات
    ٢ – شـهادة سـير وسـلوك
    ٣ – شـهادة قـيد عـائلى إلـى آخـره
    فكيف يـكون أمـامنا شـاب لـديه خبرة مـنذ نعومة أظـافره شـربها مع كـو ب الحليب يـوميا عـلى مـائدة الإفـطار ولانتمسك به لـهذا المنصب
    أمـا الـسير والسلوك فكلنا نعلم بأنه كـان يصحو من النوم على رنيين تليفونات رؤسـاء وملوك العالم
    أمـا القـيد العائلى فكلنا نعـلم أنه إبن رئيس جمهورية وجمهورية عظيمة آلا وهـى مـــصر
    وأخيـرا ما بوسعنا إلا أن نتقدم بالشكر إلى السـيد رئيس الجمهورية على المجهود العظيم الـذى بذله فى إعداد رئيس كوفئ لمستقبل مصــر وعـــاشـت مــصر أمــنة وشـــكرآ

  24. لو ان جمال مبارك فاز بالانتخابات سوف تعود مصر مملكه مره اخرى وفى رأئى المتواضع كم رئيس تولى رئاسه مصر منذ ان اصبحت جمهوريه اربعه فقط منذ عام1953بعد ان تخلصنا من النظام الملكى فهل سيعود مره اخرى؟

    رأى ان فضلنا الروح الشبابيه لرأسه الدوله فمن حقنا ان نختار دم اخر وروح اخرى غير دم وروح عائله مبارك اجمع

  25. عبدالمهيمن الرمكي 05/07/2010 22:06 -

    ارشح جمال مبارك وبدون تعليق

  26. انا معنديش اى ثقه فى اى حد كل واحد حيوعد بوعود ومش حيعملها والحال من الأسوء الى الاسوء انا شيفه مفيش حد مظلوم الا الشباب اللى أحلامه كلاها بتدمر وكلهم نفسهم يسيبوا بلدهم يمكن يكون فى فرص احسن بكتير

  27. ناصر 21/05/2010 19:22 -

    فى البداية انا سودانى وعشت فترة فى مصر .على المصريين ان يحمدو الله صباح مساء على النعمة اللهم فيها بصراحة مبارك بتوفيق من الله استطاع وبحنكة قيادة مصر وتجنيبها كثير من المخاطر فى فترة صعبة جدا اى بعد 11 سبتمبر رغم ان ذلك جلب كثير من الكراهية لمصر الا ان الرئيس مبارك كان واقعى جدا ومشى بمصر جنب الحيط فلذلك اعتقد ان جمال هو الافضل اذا قام بحملة لاجتثاث الفساد من ارارو (جذوره) وفتح فرص عمل للشباب ودعم الطبقات الفقيرة واعتمد نظام الضرائب التصاعدية وفعل مبداء المساواة امام القانون واعتمد المواطنة والكفاءة هى اساس الحقوق والواجبات هذا فضلا عن علاقات والده التى ستكون دعما جيدا لمصر هذا او ان لاتعلمون اى مناخ حر وديمقراطى نسبيا تعيشون فيه ودونكم نظرة الى الوراء لتاريخكم القريب ايام عبدالناصر وبرلنتى عبدالحميد ولا عزبة دول ولادى وعلى اهل مصر السلام ياولاد ……النيل

  28. محمود سوهاج 21/05/2010 14:43 -

    معك يا جمال نحو مستقبل افضل لمصـــر تحيه لك من كل اهل الصعيد

  29. مصريه 18/05/2010 18:33 -

    والله انا اؤيد جمال مبارك لو الريس مترشحش ومعتقدش ان في توريث في كده

  30. مواطن من شعب مصر 16/04/2010 15:10 -

    والله إذا كان هناك ترشح على منصب نائب رئيس الجمهورية فانا اوافق على ان يكون للسيد / جمال مبارك ولاكن هذا من سلطة رئيس الجمهورية وليس من سلطة الشعب فانا اوافق عليه كنائب للرئيس من أجل ثلاثة اسباب وهما : ـ
    1 ـ لانه نشاء فى أسرة سياسة من الدرجة الأولى .
    2 ـ الفكر الجديد الذى يناشد به + خبرة الوالدين .
    3 ـ لانة قريب من قلب المواطن المصرى لانة نجل الأب الذى حما شعب مصر من حقد
    الحاقدين على بلدى ( مصر ) و نجل السيدة الفاضلة / سوزان الأم التى أعطت للأمة الكثير
    من الرعاية فى ( شئون المرأة ـ و الطفولة ) الكتير و الكثير ولذلك فأنا اوافق على السيد /
    جمال مبارك . شريف حسين

  31. كوكي محمود 16/03/2010 11:15 -

    ياريت يكون في برنامج رئاسي يكون ايجابي وينظروا شويه للغلابه والمؤقتين اللي فاتحين بيوت ب 150 جنيه حرام والله ويقولو مصر بخير هو فين الخير ده ورايح لمين أكيد مش لينا رايح للكبار اللي واكلنها والعه

  32. كوكي محمود 16/03/2010 11:12 -

    أنا لو هرشح هيكون جمال مبارك بصراحه عندي ثقه وامل كبير فيه وربنا يستر

  33. ابو تامر 28/02/2010 07:11 -

    اول كلامي بسم الله اولا السيد جمال مبارك ممكن يكون رئيس بس هل يوفي بالوعد اللي هياخده عليه الشعب انه يشل شلة الحراميه اللي نابين البلد وكمان هو يبقي مش اعمي
    ولا اخرص علي اي شئ يحصل من اي وزير او ويعاقبه بس في حاجه تاني لازم تبقي فترة الرئاسه 3 سنوات وخلال تلك الفتره يكون من حق الشعب تعين رئيس تاني بس ده يكون من خلال مجلس شعب شريف مش معه الحكومه طبعا

  34. Tasnim fahmy 23/02/2010 19:58 -

    اظن ان احمد عفيفي قال المفيد و الحدق يفهم

  35. محمد 23/02/2010 01:14 -

    والله الأستاذ أحمد عفيفي خلاها خل و بوظ الدنيا،،،

  36. احمد عفيفى 19/02/2010 14:57 -

    ربنا يطول فى عمر الرئيس ويترشح مره ثانيه

  37. مصرية ذات 13 عاما 30/12/2009 23:01 -

    انا أوافق على رأى tifa و مصراوى علطوووووووووول(مع اننا مستنيين أى فرصة و نستغنى عن مصراويتنا علطوووووووووووووووووووووووووووول)

  38. مصراوي علطوووووول 17/12/2009 11:43 -

    قبل ما اتكلم على المقال معلش يا تيفا احب اقولك خبر سيئ جدا وهوه سواء الريس مشي او قعد سواء جمال اترشح وكسب او ما اترشحش من اساسه سواء اي واحد من المكتوبين دول كسب احب اقولك للأسف مش هتلاقي الهوى النضيف ومش هتلاقي ناس جديده الناس هيه هيه فا معلش بلدنا وهنستحملها ونحبها زي ما هيه
    ……ارجع للمقاله وصديق الشباب جمال اولا كعيوب مالوش عيوب راجل شغال في السياسه اقتصادي و قريب من الجيل المدبوح قصدي الشباب يعني نقدر نقل مالهوش عيوب بس للأسف ما اقدرش اقول ان ليه مميزات لاني انا كمواطن او شاب مش شايفله اي ميزه تخليني اقول الريس بتاعي اهه لو عايز يترشح اهلا وسهلا لكن مش من السهل الا قتناع بيه ولو ان فكرة واحد تحت الستين دي عاجباني

  39. محمود 09/12/2009 16:47 -

    اؤؤيد جمال مبارك لمازا
    1-مؤهل للقيام بعمل رئيس الجمهوريه نال تدريب على يد والدة 2-عاقل متزن 3مصرى له نشاط ملموس فى اصلاحات فى الحزب الحاكم 4سوف يكمل المسيرة لاشك اننا قطعنا طريقا طويلا فى السير نحو الافضل ايا كان سياتى ليبدا من جديد بخطوة ابعد من الزى سيبدا منها جمال.5معظم الاسماء المطروحه اصلا عدا نور لتوخى الدقه لا احد فيهم سوف يكون من المرشحين اعتقد انه الاعلم بامور البلاد ومتطلباتها من الاخرين…ولكن ليتنا هنا لنعدد نواحى القصور التى يجب ان يقوم بها المرشح الجديد الرئيس المقبل وليس فقط سرد المشكلات ولكن التنويه بحلول لها..كالرشاوى …والمحسوبيات….واسف عندى شغل نمل بعدين

  40. عقل اية يا راجل ….. !

    والله كنت ناوى ارد على المقالة بس كلامك طير شوية الحكمة اللى ممكن اتكلم بيهم

    (اللى نعرفة احسن من اللى منعرفوش) …..!

    دا اختيار مدير فنى فى نادى السكة الحديد بيكون على اساس اقوى من طبق السلطة اللى انت عملتة ….. وعشان اوضح انك معندكش اساس تتكلم بية …… طالما كل المميزات اللى قلتها واخدها من ابوه يبقى ابوة يمشى لية ! وطبعا احنا عايزينة يمشى هوا وابوة والحزب المتخلف كلة معاهم حراااااااااااااااااااام عليكم عايزين نشم هوا نظيف نشوف ناس جديدة الدول وصلت لمستويات تخوف …… واحنا لسة بنجرى ورا رغيف العيش ونقول اللى نعرفة احسن من اللى منعرفوش ….. يا ناس حرام عليك والله هتتحاسبو قدام ربنا عن اقوالكم

  41. احمد سامى 30/10/2009 08:26 -

    فى البداية لازم نعرف ان مصر ليها نظام خاص جدا جدا جدا فى حكمها وادارة شئونها فمنذ ان خلق الله الارض ومن عليها ومصر نظام الحكم فيها توريث ( بغض النظر عن الفترة من 1952 حتى 1981 ) وانا شايف ان السيد / جمال من الصعب الحكم عليه بانه لا يصلح لرئاسه الجمهورية بالعكس هو يملك كل مقومات الحكم

    اهمها: ان رهبه السلطة والحكم مش موجودة عنده وده لوحدها كفيله بانها ترشحة فى المقام الاول بدل ما نجيب واحد يبقى حتى خايف من انوا يتخذ قرار وممكن ياخده غلط والمصيبة الاكبر انوا مايعرفش يصلحه ثانيا: علاقاته السياسية المستمدة من علاقات ابوه قوية و وواسعة النطاق وده فى حد ذاته امان لاستقرار البلد ثالثا: الحاشية ثم الحاشية ثم الحاشية معاه ومش ضده مما يعنى فى المقام الاول منع اى محاولات للانقلاب على السلطة ومنع اى صراع عليها بالعكس هايديله الدعم السياسى الكامل وهايقويه وهايخليه يكتسب اى نقطة خبره مش موجودة عنده … ده بالنسبة للدور السياسى
    نيجى بعد كده للدور الجماهيرى وانا اعتقد ان جمال مش وحش وتاريخه الجماهيرى مش بطال بل بالعكس هو ليه شعبيه كبيرة بس كونه ابن رئيس الجمهورية هى الى عامله الحاجز بينه وبين الناس وبعدين بالبلدى كده الى نعرفه احسن من الى مانعرفوش على الاقل مش هايبقى غريب عننا ومننا عارفينه وعارفين اهله وعارفين ناسه زى ما ولاد البلد بيقولو ومن الاخر كده مصر حكمها طول تاريخها عسكرى ثم عسكرى ثم عسكرى من ايام مينا ولحد النهاردة ومش هاينفع يحكم البلد دى غير واحد عسكرى وطالما مش موجود العسكرى ده يبقى الاولى بالحكم واحد من تراث عسكرى … معلش يمكن الراى يضايق بعض الناس بس هو ده راى العقل والمنطق

أضف تعليقاً