حادثة التفجيرات الارهابية في كنيسة الاسكندرية ليلة رأس السنة

حادثة كنيسة الاسكندرية

حادثة كنيسة الاسكندرية

من وراء حادثة التفجيرات الارهابية في كنيسة الاسكندرية رأس السنة 2011

مصريات

سهى ممدوح

رغم عدم اعلان اي جهة الى الان مسئوليتها عن حادثة انفجار كنيسة القديسين في ميامي الاسكندرية …

لكن السؤال الان يطرح نفسه من يقف وراء الاعمال الارهابية مثل حادثة كنيسة الاسكندرية وكذلك احداث نجع حمادي في ليلة رأس السنة والتي تتزامن دائما مع احتفالات اقباط مصر المسيحيين وهل حادثة كنيسة الاسكندرية تحمل ورائها معاني اخرى كرسالة الى الاقباط بالخروج من مصر كما فعل نظرائهم بعد تفجيرات العراق  ببغداد ..

حتى مع فتح تحقيق لـ حادثة كنيسة الاسكندرية ربما يتم اتهام اي شخص في حالة عدم توافر اي ادلة على الجناة وارهابيين حادثة كنيسة الاسكندرية وتلفيق التهمة لاي مختل فقط لاخماد غضب الاقباط واطفاء احزانهم التي ستشتعل بعد ليلة رأس السنة ولن يتم محوها من الذاكرة او نسيانها بسهولة ..

تابعوا معنا اخبار حادثة كنيسة الاسكندرية و متابعة التحقيقات في حادث كنيسة القديسين بالاسكندرية اليوم

اخبار ومواضيع ذات صلة:

383 comments
  1. بسم الله الرحمن الرحيم اولا نحب انقول اني والحمد لله من ليبيا يعني مرتاحين وهدا من فضل ربي. تانيا اقدم احر التعازي للمسيحين علي موتاهم وفعلا لما شفت الخبر تأثرة لأنها تعتبر كارثه مأساوية. والله يهدي الي كان السبب لأن فعلا شوهو سمعتنا بين الديانيات, لكن رجاء نخاطب كل الشعب المصري, ليش نسبة الحجاب قلة في مصر, ليش كل فيلم ينتج من الوقاحة وقلة الادب لدرجة اني مسحة قناة الافلام, وللعلم ان الحجاب مطلوب من كل الديانات وممكن انكم تتأكدو عن طريق الشيخ محمد العريفي في احد حلاقات ضع بصمتك(الله يجازيه خير) اضهر أيات تدل علي فرض الحجاب في جميع الديانات. سواء المسيحية ,الاسلام,اليهودية كذلك. فأعلمو انا كل ما رح تنسو دينكم سواء وصلكم عن طريق الرسول محمد (صلي الله عليه وسلم) أو النبئ عيسي عليه السلام وجميع الانبياء. رح يزيد غضب الله عليكم, فبدل ماتعملو مضاهرات علي بعضكم اعملو مضاهرات علي الكبريهات و النوادي اليلية والرقص و و و و و ,,,,,,استرو انفسكم كي يستركم الله.

  2. المكاوي 05/01/2011 09:44 -

    لم يامرنا الاسلام بفعل ذلك وهؤلاء الارهابيون ليسوا مسلمون       حسبى الله ونعم الوكيل في الارهاب
                                 

  3. حزينه 05/01/2011 02:54 -

    بسم الله الرحمن الرحيم
    اولا انا بقدم كل عزائى لاخوه المسيحين على اللى حصل وبقول ربنا يصبركو انتو عمالين تسيئو للدين الاسلامى ودا رد فعل طبيعى بعد اللى حصل واحنا من واجبنا اننا نستحمل ونوقف جنبكم صدقونى والله الدين الاسلامى برىء من كل شخص ينفذ عمليه ارهابيه باسم الدين الاسلامى وصدقونى مش انتو المقصودين المقصود مصر مش مسيحى ولا مسلم على فكره انا عايشه فى العماره مع ناس مسيحين احنا الشقه الوحيده المسلمه وكل اصحابى مسيحين وفى بنا موده ورحمه وحب فوق الوصف وزى ما اعرف ان الدين المسيحى بيقول حبو اعدائكم وصلو لهم واحنا دنا بيقول بردو كده ربنا يهدى الجميع وعلى فكره فى جامع كان جنب الحادث واتعرض مع الحادث وكمان الاخوه المسيحين دخلو على جامع وكسروه احنا مش بنلوم لاننا عارفين انكم محروقين بسبب اللى حصل بس ارجوكو فكرو صح ربنا معاكو وتعرفو مين ورا كل دا وتخدو حئكم ان شاء الله

  4. مصرى 05/01/2011 02:47 -

    اولا. انا لله وان اليه راجعون
    كلنا عارفين ان المسلمين اكترمن 85%من شعب مصر صح الللى بيفهم ويقول استفتاء لزم يحط ان المسلمين جران للمسحين و لو عيزين زى ما بيقول نقتل كان زمان مفيش مسيحى فى مصر
    اعقل كده و بلاش كلام عبط بيسمعوا و يفتو ا وبس احنا واحد وهنفضل طول عمرنا واحد …..مصرى.و بحب مصر .

  5. سيد عيد 05/01/2011 02:42 -

    بسم الله الرحمن الرحيم
    رسالة الى كل الخوة المسحيين انا شاب مسلم و70% من اصدقائى مسحيين وعمرى ما احس اى احد منا باى فرق فى اى تعامل بيننا ونحن اسرة واحدة واهل واحد ومفيش مناسبة الا ومتجمعين فيها واظن ان مصر الوحيدة ان شعبها سوا ان كان مسلم ام مسيحى فانه شعب لا يعرف العدا لاى دوله بالعالم فبالك باخواننا المسيحيين فهم اعز اصدقائنا فارجو ان لا يفتنا اى عدو من الخارج ونحن نلم جميعا ان مصر مستهدفا دون الدول العربية الاخرة فهيا نضع جميعا ايدينا بايد بعض ونصد كيد الكائدين

  6. هبه الله طارق 04/01/2011 23:23 -

    اخوانى و اخواتى .. مصر معروف عنها انها بلد الامن والامان .. والغرب مش حابب كدة ومش عايز كدة .. واكيد لازم يثيرو فتن ما بين عنصرى الشعب عشان نعيش فى اضطراب وعدم امن وهو دة اللى هما عايزينو .. واحب اوضح حاجة لكل واحد مسيحى شايف ان اللى عمل كدة مسلمين .. احنا بقالنا قرون عايشين فى بلد واحد واظن مافيش حاجة زى كدة صدرت من اى حد ولا هتصدر .. لان دينا مش بيقول كدة .. وعشان ربنا مش بيحب كدة .. وسيدنا عمرو بن العاص لما فتح مصر أمن الاقباط على ارواحهم .. ودة اكبر دليل ان الدين الاسلامى عمرو ما كان كدة .. وزى ما اتعمل معاكو من الارهاب دول .. اكيد هيتعمل مع المسلمين .. وهيطلعو فتن و اشاعات ويقولو اللى
     عمل كدة مسحيين ردا للى اتعمل منهم من المسلمين ودة شىء اكيد .. عشان ستنزفو قوة المصريين وعشان يولدو الكراهية مابين عنصرى الامة .. والمفروض على اى واحد سواء مسلم او مسيحى انه يكون مؤمن ويتحلى بالصبر والايمان .. ونصبر على بلانا لان لسه اللى جاى اصعب 
    والله اعلم ايه اللى مكتوب لبلدنا تانى من الغرب والارهاب … وربنا سبحانه وتعالى بيقول : ظهر الفساد فى البر والبحر بما كسبت ايد الناس … العيب فينا احنا عشان مش بنعبد الله حق العبادة وعشان امور الدنيا بتلهينا عن زكر الله وعن عبادته .. ولو فضلنا فى معصيه الله اكتر من كدة .. هنبتلى بأكتر من كدة … ياريت يا جماعة كل واحد فينا ما يجعلش امور الدنيا تلهيه عن الاخرة وعن ربه .. وربنا يسترها معانا فى الدنيا والاخرة .. ويرحم اخواننا اللى ماتو ويسكنهم جناته ..

  7. مصرى 04/01/2011 21:00 -

    هو مفيش مسيحى واحد هنا عاقل يتكلم صح ؟، كله بيكره الاسلام و المسلمين و نسيتوا ان مفيش مسيحى اصلا ملوش صاحب على الاقل مسلم، بطلوا نفاق، مش على النت تشتموا الاسلام، و فى حياتكم ليكوا جيران و اصحاب مسلمين كويسين، اعقلوا بقى.

  8. علاء بدير 04/01/2011 18:44 -

    يا جماعه لو رجعنا بالتاريخ نجد ان اكثر من 85% من المصرين اصلهم مسيحى ولا تنسوا ان مصر فى رباط الى ىوم الدين كلام القرأن والانجيل ولا احد فى العالم سيصطتيع ان يفرقنا

  9. إم إياد 04/01/2011 18:13 -

    انا هقول كلمة مهمة ان في كل دين عندهم المتزمدين والمتعصبين بس ديما اخوانا المسحين مش بيشوفوا الا المسلمين منا كنت علي النت وشفت بالصدفة موقع مسيحي استفزني جدا جدا ومحدش يرضه بكده كانوا بيسبوا اللاسلام وتأليس علي القرآن وعملين سور من القرآن ذي مثلا استغفر الله العظيم ” الفيل ما أدراك ما الفيل زلومه طويل ” وعملينوا ذي القرآن بلأيات وارقمها وكذا صورة بالمنظر ده بس هما مش بيشفوا الا المتعصبين المسلمين والمسرحية الي السوا علي الرسول “صلي الله عليه وسلم” بس بقلكوا انا الاسلام مفهوش كده خالص والقرآن يحرص علي كل الاديان واحنا بنعترف بكل الرسل وكل الاديان ويكفي الايه((من قتل نفسا بغير نفس أو فساد في الارض فكأنما قتل الناس جميعا ومن أحياها فكأنما أحيا الناس جميعا ))صدق اله العظيم فدنا برىء من كل الي بيحصل ده وحسبي اله ونعم الوكيل في بيشعل الفتنة بينا

  10. مصرى -مسلم ولى اخ- مسيحى 04/01/2011 17:56 -

    بسم الله الرحمن الرحيم

    (اخوانى المسيحين انتم اخواتى وبلدنا واحده واسلامنالايدعو الى التطرف والعداء (رب العباد واحد هوالسلام دى من أسماء الله الحسنى ورسولنا صلى الله عليه وسلم قال المسلم من سلم المسلمون من لسانه ويديه ولايختص هذاالحديث باالمسلمون ياأخواتى(كان فى عهدالرسول رجل يهودى كان بيرمى فضالات الطعام على ظهر النبى وهو بيصلى وكان بيرمى الماء المتسخ أمام منزله ومع ذلك لما غاب عن عنيه وعرف انه مريض راح البيت يطمن عليه رغم كل اللى كان بيعملو( ياكل مسيحى فى الدنيا ان مش كرهينك انت اخون انت ليك دينك وان لى دينى ) ولوفى حد عمل التفجير والله ماهو مسلم ) الاسلام لايدعو لسفك الدماء) فى حادثة الصعيد الاخيره قتل شاب امام الكنيسه ومع ناس بما فيهم مسلمين) الشيخ )محمدحسان كبير علماء الدين نزل الصعيد واتكلم )وقال ان اللى يعمل كدا مش مسلم وجاب احاديث )ياجماعه احنا جميع المسلمين والمسيحين ننكر ماحدث ) الهدف هو) اشاعة الفتنه بين المسيحين والمسلمين والله دى الحقبقه) شوفو السودان واللى حصل فيها الجنوب مسيحى والشمال مسلم) حتفتكرو فى يوم ان حيدخل الاحتلال بينهم زى ماحيحصل فى مصر
    الى اخوانى واخوات المسيحين ) لوعرفتم عن القرأن حتلاقى فى ايه بتتكلم عنكم * ان انتم أقرب موده للمسلمين) صدقونى بلدنا المقصوده ومش حيفرقو بين مسلم ومسيحى

  11. لية كل فرحة حلوة بتعدى على الاقباط سيئة 

  12. محمود 04/01/2011 11:18 -

    (خالص التعازى للاخوه الاقباط

    ) الدث الذى كان فى الاسكندريه لا اعتقد الفاعل مصر او مسلم بل ليس له دين لان المصرين فى حب وايخاء والمسلمين لا يحبون العنف ولكن هذا العمل من خارج مصر لايقاع الفتنه بين المصرين وحسبنا الله ونعم الوكيل

  13. انا مصرية وعربية 04/01/2011 06:08 -

    سلام عليكم….. اخوانا مسلمين ومسيحين والله العظيم احنا مقدرين مشاعيركم وعارفين ان الغضب مالى قلوبكم وده الطبيعى بس خالينا نفكر بعمق اكتر من كده ماتكرهوناش احنا والله العظيم حزينين زيكم بالظبط زى مانتوا واحنا بنحزن على الناس المسلمين والمسيحين الى ماتوا والى ليسة بيموتوا فى فلسطين والعراق وغيره وغييرة وماخفى كان اعظم …. ربنا يرحمنا جميعا ويوحد مصر بشعبها مسيحى ومسلم “”””ودى بــــلــــدنــــا “”

  14. أيادى خفية فى مصر 04/01/2011 04:48 -

    يا جماعة والله العظيم فى ايادى خفية فى مصر ورا كل اللى بيحصل دة عشان يعملوا فتنة طائفية فى مصر هم بيعملوا العملة ويسيبونا نقطع فى بعض وكأننا عمى لا نرى محدش فكر مثلا مين ورا اللى بيحصل دة ؟ ومحدش سأل نفسة مين الستفيد من الفتنة الطائفية دى ؟ محدش سأل نفسة مين اللى عايز يبقى محدش يتصدى لة فى كل مصيبة يعملها ؟ الجــــــــــــــواب : هو اســـــــــــرائيل نرجع لورا شوية كدة اسرائيل دى قامت بقتل واحد فليسطينى من حماس فى دبى عن طريق الحصول على جوازات مزيفة من دول متعددة حتى انها وصلت لاستراليا شوفوا اد اية التخطيط كل دة عشان الاخ كان قيادى فى حماس وبيدعم الاخوة فى غزة تانى حاجة مين ورا قتل رئيس الوزراء اللبنانى رفيق الحريرى طبعا الجواب الموســــــــــــاد اللى السبب فى كل المصايب اللى بتحصل معلش هفكركوا باللى حصل الموساد اول حاجة جاب اجهزة تشويش على اجهزة الامن اللبنانى كى تتمكن من التفجير من على بعد تانى كان فى سيارة تحمل متفجرات بخلاف المتفجرات المزروعة فى الارض السيارة دى كانت سيارة مسروقة من اندونسيا شوفوا الموساد بيفكر ازاى والاخير الموساد قتل علماء من ايران بتفجيرات فى مناطق مختلفة قلك بدل منفجر محطاط نووية قالك لا نتقل العقول اللى بتشغلها كل دة واحنا فى غفلة كل دة من ورا الجواسيس على مصر منهم لله انا بقول للأخوة المسيحين متخلوش حد يوقع بيننا وفكروا جيد فى الامر

  15. مسلم 03/01/2011 23:46 -

    و احب اشكر nermin nader بجد انا بحترم رأيك جدا و ياريت لو كل الاخوه المسيحين و المسلمين زيك

  16. مسلم 03/01/2011 23:42 -

    الي مسلم + مسيحى = مصر اولا يا مسلم يا محترم ماسميش (ياعم الزفت) انت افهم الكلام و اتكلم انا بقول لا نحتاج لرأي احد في الاسلام ولا ان احنا الممكن نكون عمانا ده

  17. سمسم 03/01/2011 22:41 -

    مفيش حاجة اسمها مسلمين ومسيحين كلنا اخوات كل ده الارهاب الاسرائلين عملينوه علشان يوقعوه بنا بس ده مش هيحصل ابدا طول ما احنا جنب بعض وفايد بعض انا مسلمة بس بردوه وقفا جمب اخونا المسيحسين لان ده لو كان حصل قدام جامع انا كنت هزعل اوى زى ما انا زعلانة اوى وبردوه حسبى الله ونعم الوكيل

  18. ايمن 03/01/2011 22:16 -

    يا جماعه متخلوش اللي حصل يأثر مابينا احنا طول عمرنا عايشين مع بعض هو ده اللي هم عايزين يوصلوا ليه إشاعة الفتنة ما بين المصريين ولازم نقف امامه بالتمسك بالوحدة الوطنيو وحسبي الله ونعم الوكيل

  19. رينا 03/01/2011 21:47 -

    انا مسيحية وبقول مهما يعملوا عشان الكنيسة متصليش وتفرح ومنروحش مش مشكلة ان الصلاة فى كل مكان واى مكان ممكن نصلى فى البيت او فى اى شارع او فى اى حتة نروحها المهم هنصلى زى ما السيد المسيح صلى فى البستان قبل الصلب مش فى الكنيسة ربنا يتقبل صلاتنا فى اى مكان وربنا معانا

  20. مسلم + مسيحى = مصر 03/01/2011 20:11 -

    الأخ مسلم ……… انا مش بدافع عن الإسلام والإسلام ليس موضع اتهام فأنا مسلم وافتخر بإسلامى فهو دين الله فى أرضه حتى يرث الله الأرض ومن عليها ولكن بعض الأخوة المسيحيين لم يفكروا قط بأن يقرأوا عن الإسلام إلا من مصادرهم المسيحية والتى تسب وتحرف وتزيف الحقائق وتحول الخير الى شر والإسلام والمسلمين إلى ارهاب وارهابيين ويعنى ايه لانحتاج الى رأى أحد ؟ خلى كلامك له معنى فهل عيب ان اوضح ماجاء به الإسلام وماتقعدش انت تحولنا الى الفلسطينين واليهود والامريكان وهنا كل واحد يقول رأيه بمنتهى الحرية لانحجر على اى وجهة نظر فهمت ياعم الزفت

  21. وجهة نظر 03/01/2011 18:43 -

    نحن كمسلمين ندين ما حدث لاخواننا المسحين في الاسكندريه وانا شخصيا ليا اصدقاء مسيحين ولا يوجد اي فرق بيننا في المعامله ونكن لبعضنا كل الاحترام والموده والحب ومن فعل ذلك ليس له دين

  22. nermin nader 03/01/2011 18:14 -

    الي كل الاخوه المسيحين وخاصه الاخ مسيحي وافتخر لو كنت مسيحي وفعلا تفتخر في مسيحيتك كنت طبقت اقوال معلمك المسيح اللذي قال لاتدينوا كي لاتدانو وقال ليري الناس نوركم من خلال اعمالكم فيمجدوا اباكم اللذي في السماء ووصي المسيح علي المحبه وقال ابتعدوا عن الظن فارجو منك يااخ ان لاتشوه المسيحيه باسلوبك الهجومي علي اخواننا المسلمين ونشر الفتنه وانا اعتذر الي اخواننا المسلمين نيابه عن كل اساءه توجهت ليهم من قبل بعض المسيحيين

  23. مى مسلمة 03/01/2011 17:35 -

    على فكرة يا جماعة رسولنا مقلش نقتل مسيحى ولا نهدلو كنيسة ولا نلعنوا لان مش احنا الا هنحاس الناس كل واحد ربنا الا هيحاسبوا بجد احنا لازم نفوء بقى ونفهم ان كل الا بيحصل دا عشان يعملوا فتنة طائفية بين المسلمين والمسيحين وافتكروا كويس …. من قتل يقتل ولو بعد حين وربنا اسمه العدل مش هيسيب حد

  24. أحب ارد علي التعليق بتاع مسيحي و افتخر . انت بتتهم المسلمين بهذه الجريمة و لكن من غير دليل و بتقول ان الكنائس هي اللي بتتحرق و ان الجوامع محدش يقدر يقربلها و الكلام ده كلام فارغ ولو انت مش متابع يبقي لازم تتفرج علي اطفال غزة و فلسطين و تشوف اللي بيتعمل فيهم و تشوف كمان اللي بيتعمل في المسجد الأقصي علشان تعرف ان المسلمين مش ارهابيين ذي ما بتقول . الاسلام اعظم من ان يتهمه احد بهذه التهمة و اذا كان من فعل ذلك مسلم فإن الاسلام برئ منه و لكن نرجو الأدب في الحديث عن الاسلام و المسلمين أكثر من ذلك .

  25. نحن كمصريين يغيب عنا شئ مهم وهو الفرق بين التركيز علي المشكلة و التركيز علي حل المشكلة . فكلما و اجهنا مشكلة أي مشكلة و ليست فقط هذه المشكلة نركز عليها اكثر مما نركز علي حلها . فالضروري الان هو التركيز و القاء الضوء علي كيفية حل هذه المشكلة و غيرها من المشاكل . أرجو معرفة راي القراء في رايي .

  26. ليه اي حاجه تحصل لاخواننا المسحيين يبقي المسلمين احنا مش ارهاب و كمان مات الكثير من المسلمين في هذه الحادثه من ما ياكد علي ان المسلمين مش هما الي وراء تلك الحادثه كما انا الحكومه المصريه لم تنهي التحقيقات بعد و انا واثق علي ان الحكومه سوف تجد من فعل تلك الفعله الفذيعه و اذا لم تجدهم الحكومه فاين سوف يذهبون من ضميرهم او من ربنا يوم القيامه كما اني اعزي كل مسلم مات في هذه الحادثه و ايضا كل مسيحي

  27. مسلم + مسيحى = مصر 03/01/2011 15:45 -

    المنظر بشع جدا وأدمى قلوبنا قبل عيوننا ولكن لماذا ينسبون الأخوة المسيحين هذا الإفراط فى الإجرام الى المسلمين والإسلام ولى سؤال هل يوجد دين فى الأرض سماوى أو من وضع البشر يدعوا الى القتل والعنف والتدمير ؟ لماذا الإسلام بالذات وانتم عايشين بيننا هل سمعتوا من أى جهة اسلامية او من اى مسلم ان القتل والتدمير مباح فى الإسلام ونص عليه القرآن او السنه هل سمعت ياأخى المسيحى أن دين بوذا او الهندوس او السيخ يدعو الى العنف طبعا لا
    ياريت تفكروا جيدا قبل توجيه الاتهامات
    وعزائى لإخوانى واخوتى الشهداء ضحية هذا التفجير الآثم ولعن الله من قام بهذه الفعلة الشنيعة اومن خطط لها والمسيحى والمسلم مصريان فجارى مسيحى وزميلى فى العمل مسيحى والترزى بتاعى مسيحى والطبيب بتاعى مسيحى وكلهم أحبائى واصدقائى ولافرق بيننا وكل يعبد الله على طريقته

  28. مسلم 03/01/2011 14:38 -

    هااااااااااااااااام انا ولا هقول احنا اخوه ولا اعداء ولا زفت انا كل العاوز اقولوا ان الاسلام لا يحتاج للدفاع ولا لتلك المناقشه التافهه ولا لتلك الاتهامات الفارغه كل الاحب اوجهه لاخواننا المسيحيين ان دين الاسلام بيوجه الي كل خير و موده و رحمه و حب و سلام و كلمة مسلم و اسلام اصلها سلم و سلام ولا نحتاج رأي احد للنقاش و نفرض ان كان يا سيدي شخص مسلم هو العمل ده معني كده ان كللللللللللللللللل المسلمين كده لا طبعا كلنا عارفين ان لكل قاعده شواذ و ان زي ما في مسلم مش كويس زي ما في مسيحي مش كويس المهم اننا كلنا نصفي قلوبنا و نرحم نفسنا من الاشاعات و الفتن و الحقد و الكره في الاول و الاخر كلنا عرب و يد واحده بدل ما احنا عمالين نقطع في بعض كده و نوجه الاتهامات لبعض و بندخل الديانات في الموضوع يارييييييت ننظر لأخواننا الفلسطينيين و العراقيين المسلمين و المسيحيين الكل يوم يموت ملايين منهم و يكون عدائنا ده للاسرائيليين و الامريكيين المبهدليين العرب كله سواء كان مسلم ام مسيحي خلاص بدل ما كنا يد واحده ضدهم و ضد كل عدو بقينا ضد بعض مسلم ضد مسيحي هنسيب الاعدااااااااء دول يفرحوا فينا و يحققوا النفسهم فيه و هو الفتنه و الاستيلاء علي البلاد ايييييه مش كفايه سبقنا في العلم كمان هنكون جهله و نتفرق كدا بجد حراااام فوقوا ايها العرب ايها المسلمين ايها المسيحيين و يا اخواننا الاقباط انتوا دين طيب و دين عاقل تعالوا نتجمع علي الخير و السلام و الوحده و نبعد عن التفرق و الاستسلام و الفتنه

  29. مسيحى وافتخر 03/01/2011 14:20 -

    دى البدايه جالكم تهديد ماكل مرة بيجى تهديد لكن كل مرة يبقى فى اعذار بعد كل تدمير وسفك لدماء المسيحين المباحه ويرجعوا يقولوا ده اكيد مش مصريين ولا مسلمين الى عملوا كدا احنا اخوات والهلال والصليب ويسكتوا المسيحين كالعاده ويسكتوا العالم كله عنهم بس لا لا لا كفايه كدا لغايه امتى تدمروا وتجرحوا المسيحين لو مش بالتدمير بالكلام الجارح بالظلم ليهم فى اى حاجه فى البلد مكفهمش الظلم والاضطهاد بالكلام والفعل والتوظيف وفى كل حاجه لا قالوا كمان نقتل فيهم
    محدش بيجيب سيرة الى قتلوا ولو كان ده حصل فى مسجد انا بسال كنتوا عملتوا ايه ؟؟؟؟؟؟؟؟؟؟؟؟؟؟؟؟؟؟؟

    انا بطلب منكم كفايه بقى كلامكم فى الاسباب الى بتبرروها وتقول المسلم اخ المسيحى عمره ماهيحصل رجعوا نفسكم ولو مرة واحده فى حياتكم ……………………. كفايه بقى كفاية بقى كفاية كفاية………..

  30. صوت المسيحى 03/01/2011 13:14 -

    جائنا تهديد لمحافظة المنوفية قرية البتانون بقيام عمل ارهابى لكنيسة العذراء مريم بالبتانون وقد ارسل الى الانبا بنيامين اسقف المنوفيه بتهديد ايضا وكذلك القمس توما قمس البتانون ونحن نطلب الاغاثة و التدخل السريع .

  31. واحد متضبط 03/01/2011 12:18 -

    يوم يومين ثلاثة بكتيره والموضوع حيتنسى زى اللى قبله واللى قبله وكل اللى قبله
    ولما تحصل حاجه جديده حتفكرنا باللى فات ولما يحصل حاجه جديده بعد يوم اتنين ثلاثه حيتنسى زى اللى قبله واللى قبله وكل اللى قبله
    ليـــــه؟؟؟؟؟؟؟؟؟؟؟ لأن دم الاقباط حلال وماهم حلال ونسائهم حلال ده غير انهم لاحول ولاقوه
    ليـــــــــه؟؟؟؟؟؟؟؟؟
    لان دينهم العبيط ماأمرهمش بالقتل المتبادل يعنى يخدوا بتارهم زه اصحاب العين بالعين والسن بالسن
    وكتابهم قاللهم يتسامحوا ولما يضربوا على خد يقولوا كمان وكمان
    ايها المسلمون الاشاوش العظماء انكم امام شعب قبطى رافع ايديه ومنزل لباسه
    اعملوا فيهم اللى نفسكم فيه
    امنعوا بناء اى كنيسه لهم
    واللى مبنى احرقوه وهدوه
    امنعوا عنهم الوظائف السياديه والحساسه واللى مش حساسه برضه
    وطبعا ادهم السقط فى الحساس ما يمنعش
    العنوا سلسفيل ابوهم هما واللى جابوهم فى كل خطبه جمعه
    وطبعا ماتنسوش تعملوا مظاهرات بعد صلاة الجمعه وتشتموا فى شنوده بتاعهم اللى بيعمل ويعمل ويعمل
    وطبعا بين الفتره والتانيه اتلككوا على ايه حاجه وموتوا منهم على قد ماتقدروا 20 30 وماوصكوش على على حرق كنايسهم و محلاتهم وسرقتها
    كتر الف خيركم انكم سايبين منهم شويه يعشوا وسطكم
    يلا ياحبايبى المسلمين اجدعنوا وظبتوهم فى العيد اللى جاى بعيديه كبيــــــــــــــــــــــــره على هد ماتقدروا
    وماتخفوش من اى جكومه لان مافيش قانون من اصله
    هيــــــــه وكله عند ربنا من سبيل الجهاد ضد الكفره دول
    هو برضه مش الكفر مله واحده والمسلمون هم المله الوحيده المؤمنه اللى حتخش جهنم قصدى الجنه

  32. شيماء مصرية مسلمة والحمد لله 03/01/2011 08:46 -

    اولا انا حزينة على اللي حصل بالاسكندرية وبقدم التعازي لكل شعب مصر مسلم ومسيحي وربنا يجعلهم في منزلة الشهداء ان الشهداء عند ربهم يرزقون انا زعلانة من ردود الاخوة المسيحين بس انا ملتمسهلهم العزر لان اللي حصل مش سهل طبعا
    وربنا يصبركم بس ياجماعة انتو لازم تكونو متاكدين ان اللي عمل كدا اكيد ناس من بره مصر لان لو تلاحظو احنا الشعب الوحيد فالعالم حاليا مفيهوش حرب دي غيرة وهنفترض انو مسلم زي مانتو متخيلين الاسلام برئ من شخص زي دا لان دينا دين تسامح وعفو ومودة ورسولنا الكريم اوصانا بكدا واحنا استحال نخالف دين الاسلام احنا مسلمين ومسيحين وبنؤمن بدين الاسلام اولا والاديان الاخرى ثانيا لاننا عارفين الدين وعلى فكرة انا متزوجة وعندي بنت واللي سمتها مريم جارتي المسيحية وانا مكسفتهاش لان ستنا الجليلة الطهارة العفيفة ستنا مريم اطهر نساء العالمين اقول قولي هذا واستغفر الله العزيز لي ولكم وربنا يغفر لينا وللاحياء والاموات للمسلمين والمسيحين واحب اضيف ان المتخلف اللي عمل كدا هو قتل اشخاص ملهاش زنب الدين فالقلب مش فالبشر اللي ماتو ضحايا ومثواهم انشاء الجنةلانهم شهداء وكانو فالكنيسة بيصلو لبداية سنة جديدة وانااحب ا قولو اتمنى انت تكون اخرتك تكون زيهم وانت بتعبد ربنا وربنا يحسن ختامنا جميعا باذن الله وان لله وان اليه رااااااااااااجون .

  33. مصري بالسعودية 03/01/2011 08:26 -

    بسم الله الرحمن الرحيم..أححنا عايشين من مئات السنين في مصر مسلمين ومسيحيين ما فيش اي فرق بيننا ايه اللي جد جديد في الكام سنه الماضيين خلا الفتنه دي تشيع في مصر لكن العيب مش في الارهاب ولا اللي عمل الفتنه لا العيب فينا احنا مسلمين ومسيحيين علشان ادينا فرصه للشيطان يفتن بيننا..أنا أقسم بالله انني لي أصحاب مسيحيين كتير مش عارف اتصل بيهم ازاي واقولهم ايه مع ان اللي حصل ده مش مقصود بيه مسيحيين بس لأ ده مقصود بيه مصراللي هاتفضل في قلوبنا مهما كان ومهما حصل…..

  34. انا مصرية وعربية 03/01/2011 02:35 -

    اسال الله الواحد الاحد الذى لا شريك له رب موسى وعيسى ومحمد “صلاوات ربى وسلامه عليهم “ان يحفظ مصر( مسلمين ومسيحين ) من الفتن والنقم وســــــــائر بلاد المسلمين

  35. مصر بخير مهما كاد الكائدون وسنبقى هلال مع الصليب الى الابد فى كل انحاء مصر بحرى وقبلى بالخارج وبالداخل

  36. انا مصرية وعربية 03/01/2011 02:00 -

    اخواتى المسيحين انا عايشة برة مصر وحزينة شر الحزن على الى حصل فى الاسكندرية وعلى الى حصل لا خواتى المسيحين وان شاء الله ربنا يرحم اموتكم واموتنا ويسكنهم جنات النعيم امين يارب العالمين

    “”””وكل الاشياء تعمل معا للذين يحبون الخير “”””

  37. (++ربنا موجود:وجود الله ليس فى الكنائس التى تدمر ولكنه فى قلوبنا وان اسطتعم تدمير الكنائس فلن تسطتيعوا تدمير قلوبنا
    ++الله محبه: المحبه تطرح الخوف والكره و……. و………..و…………… جــــــــانــــــــــبـــــــا ً
    ++يا ابتاه اغفر لهم لانهم لايعلمون ماذا يفعلون……………………..++كل الاشياء تعمل معا للخيرللذين يحبون الله+++++)

  38. مسيحية وافتخر 03/01/2011 00:26 -

    منكم للة ربنا مش هيسبكم ولعلمكم الى ماتو دول شهداء والمكان اللى راحو احسن بكتير من جهنم اللى احنا عايشين فيها ومش عارفين ناخد لا حق ولا باطل معاكم بس ربنا مش هيسيب ولادو

  39. اسراء 03/01/2011 00:22 -

    لاء احنا لقين كلام كتير نقولو علشان الي عندك عندي لان دي مش بلد مسلم بس ولا مسيحي بس دي مصر يعني مسلم ومسيحي مع بعض

  40. اسراء 03/01/2011 00:06 -

    انا مش بعزي المسحين بس انا كمان بعزي المسلمين

    وانا عايزه اقول ان بجد مينفعش انا اللي عمل كده يكون مسلم مفيش دين يقول كده
    بجد حرام ايه زنب الناس ديه اذاكان مسلم اومسيحي

  41. واحد من الناس 02/01/2011 23:41 -

    في البدايه اقدم التعازي لضحايا الحادث الاليم ويجب ان يكون هناك وحده قوميه بمعنئ ان يكون الشعب يد واحده يتفق في اللون والجنس بغض النظر عن الجنسيه والديانه اما عنى تفسيري لهذا الحادث فهو من جماعه ارهابيه تقصد به هدفين: الاول:زعزعه امن واستقرار مصر. و الثاني:اثاره الفتنه الطا ئفيه. وفي النهايه ارد علي البعض الذين ينسبون الحادث للمسلمين لا(ان الاسلام دين سلام وتعمير وليس عنف وتدمير)

  42. حنين 02/01/2011 23:35 -

    ربنا يصبر كل من فقد عزيز عليه سواءكان مسلم او مسيحي

  43. حنين 02/01/2011 23:33 -

    الاخوه المسيحيين اللي بيتهمو المسلمين بانهم وراء ماحدث.ليه؟بتتهمو المسلمين بكده ليه؟احنا مش في موضع المتهم علشان ندافع عن نفسنا.بس المسلم ده صديقك وزميلك وجارك.تعتقد انه ممكن يعمل معاك كده.او يتمني لك اي سؤ؟حكمو عقولكم وبلاش الافكار السيئه دي.احنا كلنا مصريين.

  44. السيد محمد 02/01/2011 23:05 -

    حسبي الله ونعم  الوكيل في اليهود  لانهم اعداء للمسلمين والمسحين
    ومصر بلد الامن والامان 
    مسلم + مسحي = مصر الامان 
    انظرووووووووووووووا الي عدوكم الحقيقي     هووووووووووو         اليهوووووووووووود

  45. محمد عطية 02/01/2011 23:01 -

    سكت الكلام فى لسانى والوضغ مش انسانى ….. مسلم و مسيحى مين ؟؟؟!!! ما كلنا مصريين …….. لا عمر فرق بنا عدو ولا دين وحنفضل ديما ايد وحدة عيشين
    وانصرنا يا رب ديما على الخاينين ….. وأوعا تقول انا مين وانتا مين ؟ قول كلنا مصرين

    حسبى الله ونعم الوكيل فى اى حد يعمل كده ….. ده لا دين ولا اسلام ولا مسيحى اليعمل كده فى ولاد بلده …..
    ده الارهاب ………. انا مسلم و انا ضده

  46. ابوبكر الاسناوى 02/01/2011 22:48 -

    المسحسين والمسلمين اخوة للابد ومفيش حد حيقدر يقرق بيننا مهما كانت الاسباب وعذائى الى اهل الشهداء مسحين ومسلمين وحسبى الله ونعمل وكيل فى التسبب فى هذا الحادث الاجرامى الشنيع \\\ولا تحسبنا الله غافل عما يعمل الظالمون \\\\الهم اسكن شهداء هذا الحادث فسيح جناتك يارب العالمين وصبر اهلهم وحسبى الله ونعم الوكيل ونعمة المولى ونعمة النصير

  47. الأخوة المسيحيين أحب أن أعرفكم إننا مش محتاجين نقول إن اللي عمل كده مش مسلم

    ولو ثبت غير ذلك فإن الإسلام برىء منه لأن الإسلام بتعاليمه وليس بمن يدعون أنهم مسلين وهم لا علاقة لهم بالإسلام من قريب أو بعيد وبعدين عمر ما هيكون فيه فتنه في مصر بين المسلمين والمسيحيين لأنك بمنتهى البساطة بتتعامل مع أكثر من مليون واحد زميلك مسيحي في الشغل والجيران والمنطقه ومفيش أى عداء بيننا فلو كان هناك فتنه ما كنا نستطيع أ، نعيش مع بعض بهذه الطريقة ولكن الله أعلم بولاد الكلاب اللي عيزين يقولوا إن فيه فتنه ويخلقوها في مصر ولو بصينا على اتاريخنا نلاقي إن عمر ما كان فيه مشكله بين المسلمين والمسحيين وأنا ليا أكثر من زميل مسيحيي واطمنت عليهم بعد الحادث فيريت الناس متسؤوش فيها ونلم الدور

  48. روان 02/01/2011 21:35 -

    عزائى لكل اخواننا المسيحيين واقول ان الاسلام دخل الهند بواسطة تجار مسلمين يعرفون دينهم بحق وينشرونة ليس بالدعوة الية بل باخلاقهم لذا فمن فعل هذا ليس بمسلم بل مجرد اداة للتخريب لذا فانسب ما يطلق عليهم لفظ ارهابيين والارهاب ليس لة دين وسنقف مسيحى ومسلم يد واحدة فى وجة كل من يريدنا عراق اخرى واكرر عزائى

  49. سارة 02/01/2011 20:37 -

    نستعذ بالله مما حدث وحسبنا الله ونعم الوكيل

  50. محمد الحداد 02/01/2011 20:27 -

    اشجب و ادين و استنكر الحادث الارهابى البشع و الخاص بتفجير الكنيسة طول عمر المصريين نسيج واحد ايه اللى حصل دة فليعش المسلم و المسيحى جنبا الى جنب بسلام فكلنا مصريون ادعو الله ان يحفظ مصر من الحاقدين

أضف تعليقاً