لعبة زوما اون لاين الجديدة: اجلس مكانك في مجلس الشعب مع النواب

لعبة زوما اون لاين

لعبة زوما مجلس النواب الجديدة اون لاين

بعد حرمان الجماهير من جلسات مجلس النواب الكوميدية وزعيق الكتاتني عمال على بطال وتعليماته للنواب من اسكت يا واد اقعدي يا بت – ولا وانه مفيش بنات – وكأنه قاعد في فصل بالمدرسة وناقص يذنبهم ويخلي رؤوسهم للحيط المهم جبنالكم لعبة زوما الجديدة مخصوصة لـ مجلس النواب المصري وبرعاية سعد الكتاتني بذات نفسه شخصيا عشان تساعده فيها يخلص على كل النواب المشاغبين – في لعبة زوما بس ويقضي عليهم لو جمع اكتر من 3 مقاعد لكل نائب مع بعض.

ودلوقتي اون لاين بدون تحميل على جهازك ووجع القلب جرب لعبة زوما اون لاين في ثواني بتظهر قدامك وبتنزل ضرب بالكراسي في اعضاء مجلس الشعب المتواجدين و هما محمد البلتاجي ممثلا لجماعة الاخوان المسلمين وحزب الحرية والعدالة ، ممدوح اسماعيل عن السلفيين و مصطفى بكري مع نفسه ، محمد ابو حامد ، زياد العليمي بتاع الحمار والبردعة واخيرا محبوب الجماهير من بنات وفتيات ونساء بصفة خاصة عمرو حمزاوي.

طبعا طريقة لعبة زوما الجديدة اون لاين لا تخفى على احد فمش ها نضيع وقتكم في الشرح واذا عجبتكم اخبط شير وشوف انت ولا مين ها تجيبوا اعلى سكور ,
ما تنساش كمان تعدي بطريقك لعبة زوما الفرعونية او لعبة زوما 2012 الخاصة بـ انتخابات الرئاسة والمرشح حازم صلاح ابو اسماعيل .
الان شارك سعد الكتاتني قبل ما ينبح صوته بـ اجلس مكانك وساعدة يحافظ على الهدوء والنظام بمجلس الشعب.

لعبة زوما الجديدة مع النواب اون لاين برعاية الرئيس سعد الكتاتني

اخبار ومواضيع ذات صلة:

11 comments
  1. مش مهم 12/06/2012 17:30 -

    كل اللى أقدر أقوله أن أحنا عقليات فعلاً مختلة لا يمكن أن نجتمع على شئ لكن كل اللى نعرف نعمله أننا نمشى وراء كل مختل شوية لأن مفيش حاجة بتعجبنا بالذمة سبنا أيه للغرب لما أحنا بنعمل كده فى بعض يبقى أحنا نستاهل كل اللى بيعملوا وبيقلوا علينا من اننا من العالم الثالث ده أحنا كمان طلعنا من العالم العاشر لما نتريق على نفسنا يبقى ما نلومش على الغريب واللى بيعملوا فينا

  2. مصطفى هشام على محمد دسوقى عوينات 03/06/2012 13:16 -

    ارجو المساعدة لتنزيل اللعبة الي الجهاز
    اشكركم
    جااااااااااامدة جدا

  3. ناصر 23/04/2012 03:52 -

    رائعة اللعبة لماذا لا تضعونها للتحميل

  4. عادل البطل 03/04/2012 21:19 -

    ارجو المساعدة لتنزيل اللعبة الي الجهاز
    اشكركم

  5. مىشو 16/03/2012 22:57 -

    اخوان وسلفيين واخدينا ورايحن على فين فى البحر غرقانيين ولا فى السما مرفوعين عايز مصر لكل المصريين مسلمين و مسيحين مصر بتبكى احنا رايحين على فين يامصريين كل البلاد غارت من ثورتك يا ام اكبر ثوريين بحبك يا بلدى ولما اموت اكون فيكى دفين

أضف تعليقاً