أجمل أجدد آخر نكت صعايدة مصرية 2023 – 2024 جامدة جدًا

نكت صعايدة مصرية جديدة 2024

نكت صعايدة مصرية

مصريات – مفيش حد هايقدر يعيش من غير نكت صعايدة جامدة جدا مصرية يعني مهما عملت حط نفسك قدام الامر الواقع لانه اجدد النكت الصعيدية هي طريقك للنجاح بعد ما ترفع معنوياتك وتحس ان الدنيا حلوة وكله تمام والامور عال العال وكل ده بسبب اجمل نكت صعايدة 2023 او 2024.

مش معقول بعد جميع ما سبق لسه معندكش فضول تشوف احدث نكت صعايدة 2023 انا نفسي عندي وهاتلاقيهم تحت وان شاء الله ما حد حوش:

  • بلدياتنا دخل الجيش ووقف حراسة على بوابة معسكر عدى عليه الشاويش وقاله:اللواء “فريد” جه؟ قاله : ماجاش يا شاويش “محمد” وبعد ساعة رجع له الشاويش محمد وسأله اللواء “فريد” جه؟ قاله لسه ما جاش. وبعد ساعة أخرى رجع له تانى وسأله اللواء “فريد” جه؟ قال له لسه ما جاش. وبعد ساعة جه اللواء “فريد” قاله العسكري: أنت فين الشاويش”محمد” حيخرب بيتك

  • واحد صعيدي نزل في محطة الرمل رجلة غرزت

  • واحد صعيدي عاوز يقتل مراته حطيلها مسدس في الشوربة

  • واحد ماشي في الشارع بيقول الله يخربيتك يا سمير …. أمين شرطة ضربه على قفاه و قاله و كمان مش عارف اسم الريس يا ابن الكلب

  • واحد صعيدى راح يشترى لمراته جزمة فراح لمحل وقال لصاحب المحل عايز جزمه من غير كعب وخفيفه شويه ورخيصه صاحب المحل قال ماشي وجاب الجزمه فقالت مراته ده مينفعش انا عايزه بكعب ودبت خناقه فصاحب المحل قرف منهم فقال للصعيدي متخدها بكعب هو انت الى حتلبسها قال لع من غير كعب هو انت الى حتنضرب بيها

  • صعيدي بيقول لشيخ هو ينفع الصلاة من غير وضوء  قاله لأ ماينفعش طبعاً  قاله ايه رأيك جربت امبارح و نفعت

  • عشره صعايدة محششين بيحششو البوليس كبس عليهم خمسه اتمسكو وخمسه استخبوا فى البوكس

  • مرة واحد بلدياتنا وقع فى حفرة نزلولوا حبل طلع مخنوق

  • صعيدي واقف فى ميدان التحرير بيقلع هدومه ؟ سألوه: ليه بتعمل كده؟ فقال: أصل الكمسرى قال لى علشان أروح شبرا لازم أغير فى التحرير .

  • مرة واحد بلدياتنا قطع تذكرتين فى الأوتوبيس، سأله الي جنبه ليه قطعت تذكرتين؟ قاله عشان لو تذكرة ضاعت يبقى معايا واحدة تانية، قال له طب لو التانية ضاعت تعمل إيه قال له طيب ما أنا معايا الابونيه

  • بلدياتنا راح السفاره الامريكيه علشان يسافر امريكا فقلوله انتا معاك لغه فقلهم لغة اه الحكايه كلها عملية فهلوه فسفروه فعدى من قدام مكان فيه فرح كبير قوى فسال واحد خواجه فساله(هو فرح مين ده يا خواجه) فقله اي دونت نوه فعدى تانى بعدها بيوم فلئى جنازه كبيره قوي في نفس المكان فسال واحد خواجه (هو مين الي مات) فقله اي دونت نوه فقله لاحول ولا قوة الا بالله دكان لسه فرحه امبارح

  • واحد بلديتنا دخل على واحد صاحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبك ده غالبنى عشرين دور

  • واحد صعيدي راح للدكتور بعد ما كشف عليه قاله اطلع اعمل اشاعة, الصعيدي ركب الاسانسير لقاه كله مرايات افتكر هو ده جهاز الاشاعة فقلع ملط و وقف مستني, شوية ممرضة بتفتح الأسانسير شافته راحت مصرخة , قالها :يالهوي سرطان؟

اخبار ومواضيع ذات صلة:

205 comments
  1. محمد احمد مرسي 17/01/2015 14:17 -

    مره واحد صعيدي ماشه ورا واحده اجنبيه فارح قله تجوزيني راحت قلتلو سوفاج قاله سوهاج

  2. حلال المشاكل 29/12/2014 23:50 -

    الصعايدة اجدع ناس في مصر كلها كرم وشهامة ورجولة وادب واخلاق ماتحصلوها في ولاد المحافظات التانية وابي الله يرحمه كان بيسافر دائما لمحافظات الصعيد اذاجه لمصر مع انه مش مصري طول عمره يحب الناس الجدعة ومرة كنت برفقته وانا شاب صغير ورحنا لمحافظة قنا يعرف ناس هناك من خلال زيارتهم المتكررة للعمرة والحج فتعرف عليهم في مكة ووعدهم برد الزيارة في اقرب فرصة وقعدنا قرابة شهر عندهم في البلد عرفنا عاداتهم وتقاليدهم ولاتزال علاقتنا بهم باقية حتى بعد رحيل الوالدرحمه الله ازورهم واسال عنهم وهم يسالواعنا وكاننا اهل وقرايب

  3. علي فكرة الصعيد احسن ناس وحرام جدا انك تقول نكت علي حد  

    ارجو الموفقة علي تعليقي

  4. صعيدى وافتخر احمد من اسيوط مركز منفلوط 

  5. احمد الصعيدى 22/10/2014 06:41 -

    عيب ان حديقول نكت على الصعايده لأن دول اجدع ناس بس ممكن اقولكم نكته مره واحد صعيدى وى ماحد اسكندرانى وى واحد منوفى قلهم رئيس الجمهوريه الى حيطلع الف سلمه حياخد مليون جنيه اللأسكندرانى طلع 200 وى تعب المنوفى طلع 400 وتعب الصعيدى طلع 999 سلمه وقع منو جنيه نزل يجيبه

  6. محمد 19/10/2014 21:18 -

    واحد صعيدى رايح اسيوط فركب القطر جالو بتاع التذاكر قالو معاك تذكرة قالو لع قالو طيب هات 3 جنية علشان اقطع لك تذكرة قالو هما اتنين جنية قالو مينفعش هى التذكرة ب 3 جنية قالو علية الطلاق منا دافع غير الاتنين جنية قالو لو مش هتدفع ال 3 جنية انزل من القطر قالو ماشى هنزل فالصعيدى قال انا محدش يعمل ناصح عليا فمشى الصعيدى على اضيب القطر علشان يوصل اسيوط من على طريق القطر فالقطر طالع ف سواق القطر زمر قالو تزمر كده تيجى كده هما اتنين جنية

  7. شروق 18/10/2014 11:24 -

    بخيل  اشترى جزمه جديده وحطها تحت باطه ومشى حافى بعد شويه دخل فى رجله مسمار بسها وقال كان هيجى فيكى يا غاليه 

  8. محمد احمد 08/10/2014 14:50 -

    انا من الصعايدة وبحيى كل اللى كتب كلام كويس على الصعايدة

  9. مييييييييدو 28/09/2014 20:25 -

    تحية خاصة للصعايدة يا جماعة

  10. مصطفي 08/08/2014 18:52 -

    اولا السلام عليكم انا برحب بكل اللي شا فو التعليق وبقول اننا يعتب اخوه فلا فرق بين واحد صعيدي وواحد من العياط نكتنا واحده والسلام عليكم ورحمه الله وبركاته                                                                                                                                      اخوكم                                                                                                      مصطفي

  11. احمد الكريوى الصعيد مصنع الرجاله 10/07/2014 10:23 -

    اسمع سلام لنجع حمادى مصنع الرجاله الخط الاحمر

  12. سامح المصري 01/07/2014 17:42 -

    مره سواق تاكسي ماشي شورله وحد لبس احمر في احمر قاله فاضي ياسطي قالو انت مين قالو انا الفرفور الاحمر قالو مبركبش فرفير مره سواق تاكسي ماشي شورله وحد لبس اصفر في اصفر قاله فاضي ياسطي قالو انت مين قالو انا الفرفور الاصفرمره سواق تاكسي ماشي شورله وحد لبس اخضرفي اخضر قاله فاضي ياسطي قالو انت مين قالو انا الفرفور الاخضر قالو مبركبش فرفير قالو مبركبش فرفير فمشي شويه قبلو وحد لبس ابيض في ابيض يبقي انت الفرفور الابيض قالو فروفور ايه ياروح امك هات الرخص

  13. وائل علي 01/07/2014 07:15 -

    يعني ايه انا صعيدى ومن سوهاج ..

    يعني كريم واصيل وشهم سيفي ضد الظلم نار قايدة ضد الباغي
    وبرد وسلام مع المظلوم واعين الضعيف وكل محتاج ..
    يعني تزورني يعني تلاقيني الفرحة تسكن قلبك
    من اول مقابلة واول كلمتين ترحاب . يعني لا عمري
    خوفت من بني ادم ولا زمن وفي كل المحن سداد ..

    يعني ابوي علمني الادب للكبير والصغير وعلمني
    ان كل صعيدي من الجيزة لاسوان ولد عمي وليه عليا
    حق الدم والرحم والنصرة والعون واحمي ضهره من العدا
    لو في يوم غاب .. يعني من الجيزة لاسوان عيال راجل
    واحد وطول العمر ولاد عم واحباب .. وايه حارمنا من قربكم
    ومحبتكم يا صعايدة غير الاغتراب .. ااااه لو بايدي اجيلكم:)
    رمح بس اقول ايه الزمن غلاب …

    صعيــــدى ســــوهـــاجــى وافتــخـــــر
    وارجو الموافقه علي تعليقاتي 

  14. وائل علي 01/07/2014 07:08 -

    احنا الصعايده قولولي بقا انتوا مين
    قالوا صعيدى قفل هبيل وغشيم…!!!
    قلت وانت تعرف ايه عن الصعيد يا لئيم
    لو كنت ماتعرفش جدك السادس يبقى مين…!!!
    انا اقولـك جدودى الاكـابر بيوتهم فيـن
    دا شوراعكم المرصوفين باطفال الشوارع غرقانين…!!!
    وشوارعنا التراب نضيفه من المتشردين
    لبسى اللى مش عاجبك عباده ودين…!!!
    شوف بقى انت لبسك جبتوا منين
    نسوانا ف البيوت……..وف الخيام ماشيين…!!!
    نسوانكم ف الشوارع…..لابسين ومش لابسين
    عادات وتقاليد محترمه من الجدود وارثين…!!
    ياللى ورثتوا المال انتوا مش وارثين احنا شربنا الرجوله وانتو منها عطشانين…!!
    احنا صعدنا لفوق فبقينا صعيديين وانتو نزلتوا لتحت فبقيتو بحق واطيين…!!
    نكتوا علينا ف افلامكم فكنا اول الضاحكين وسكوتنا وضحكنا ده لاننا متحضرين..!!
    صحيح مرات بنبقـى سلبيين بس عمرنا ماكنا زيكوا همجيين…!!
    والدليل انكوا ف بيوتكوا مش امنين ودا طبيعى لانكوا مش متربيين..!!
    اعرفوا مقامكم بقى وبلاش تلسين وبطــل تتـريــق على كلامى انـا كـلامــى بليــغ ورزيـــن,,!!
    ولـو مـش مصــدق اســــأل الاول جدك السادس يبقى مين.

  15. عبدالجواد عبد المنعم 18/06/2014 01:37 -

    الصعيد هو اساس مصر ومن لم يكن له صلة بالصعيد فاليبحث هو من اين وبعدين مينفعش ناس تضحك وتنبسط على حساب زعل ناس تانية هى اشرف واكرم وانقى واتقى منهم اللى هما الصعايدة يعنى .

  16. حمادة فرج محمد احمد المروانى 14/06/2014 12:34 -

    بلديتنا وقع فى خلاطه الاسمنت طلع قال يخرب بيت الملاهى

  17. حمادة فرج 14/06/2014 12:33 -

    انا صعيدى واحنا فننا النكت دى مع السلامه

  18. عبدالله 05/06/2014 00:58 -

    مرة واحد قعد على القهوة اتلسع   

    واحد بيسأل واحد قالو مش بتذاكر ليه ………….. فرد وقال :مش فاضى عندى امتحانات

  19. mahmoud.mode7 26/05/2014 23:58 -

    ارجو من جميع. الشباب عدم الاستهزاق بأي. فصيل من هذا الشعب العظيم لأننا. الشعب الأكثر. عشقا لوطنه بجميع أطيافه وبالنسبة. للصعايدة انتم شرف لجميع المصريين وأنتم. فاكهة الشعب بدمكم الخفيف وروحكم الحلوه وكلنا شعب واحد. واسره كبيره 
    لا يمكن تتفرق وهذه الامور حبا فيكم وليست تقليل من شانكم لان الانسان اللي يحاول التقليل منكم دا انسان تافه…………….. شكرا….

  20. may ayman 12/05/2014 14:11 -

    انا كمان بحب الصعايده بس مش معناها ان بنتريق عليهم ولا حاجه

  21. يوسف 11/05/2014 15:49 -

    مرة ولد امه قالتله روح هات بجنيه عسل من عند عمك علي فراح يجيب وهو رايح قعد يلعب مع صحابه ولما راح نسي امه قالتله ايه فقال للراجل هات بجنيه علي يا عم عسل
    هههههههههههههههههههههههههههههههههههههههههههههه

  22. افندينا 13/04/2014 15:06 -

    ال مدكور والجعافره والهواره والزغابه والدهاشنه واولاد الديس واولاد علام انتم ولاد مين احنا الاصل انتم مين احنا الكرم والجود انتم مين احنا اصحاب الارض انتم مين احنا الاصول والدين انتم مين احنا الصعايده ونفتخر باصلنا انتم مين احنا الصعايده امنا ارضنا وعرضنا انتم امككم وابوكم مين احنا الصعايده وقفنا حارسين عرضنا وشرفنا بالنبوت ايام جدكم السادس رجالتكم كانت فين اسال عن الاصل مين احنا وانتم مين بناتكم مع الايام خالعه لبسهاواحنا في الارض شجره مزروعه اصل ودين عبد الناصر قالها في خطابه صعايده بالنبوت واقفين للشرف والعرض بلا قلب حاميين انا ابن المداكره وبعتز ان اصلي صعيدي

  23. افندينا 13/04/2014 14:35 -

    الصعايدة تاريخ مش انا اللي بحكي تاريخ مصر واللي مابيعرف الصقر يشويه

  24. احلى واجدع نكت مرة واحد بيقول لاابوة بابا اجيب لحبيبتى اى فى عيد ميلادها الاب. هى حلوة الابنت الواد اوه صاروخ قلو خلاص هات رقمها

  25. العسكري العسكري 20/03/2014 02:02 -

    بالمناسبه انا اعتز بالشعب المصري لانه شعب واعي وابي  سواء كان من مصر القاهره او من الصعيد

  26. العسكري العسكري 20/03/2014 01:59 -

    كان لنا اصدقاء من الصعيد  في العراق والله بيرفعو الراس  سلامي الى كمال وجمال من الوادي الجديد قرية فلسطين

  27. العسكري العسكري 20/03/2014 01:54 -

    انا عراقي واحب الصعايده جدا وعاشرتهم طيبن واصحاب قيم وتقاليد وكان صديق لي حاج عباس شارك معنا لضرب الاحتلال الامريكي فالسلام على رجال الصعيد في رجولتهم والسلام على نساء الصعيد في عفتهن وشرفهن

  28. ҢĄMó ẺŀĵõҜ@Я 12/03/2014 15:36 -

    واحد غبى بيزور فلوس فالزابط افشو فقال الغبى للظابط  انا نفسى اعرف انتو بتعرفو ان هى مزوره ازاى الظابط قالو يابن ال………. هو فى ورقه بخمسه و ستين جنيه . 

  29. ملاك روح 03/03/2014 17:44 -

    يا جمع احنا من اسكندرية بس مش عوزين حد يتكلم علين كلم وحش عشان محدش يتحرق دمو والصعايدة احسان ناس  محديش يتريا على حد عشان كدا عيب عشان مفيش وحد صاعيدة يتكلم علين كلم وحش اوك

  30. حسين معبد 20/02/2014 12:15 -

    ارجل واجدع ناس هم الصعايدة ولولا ان هم ناس مميزين من ضمن ناس كتير ومعروفين بالطيبة الشديدة قوي وف نفس الوقت بيمتازو بخفة الظل والروح الرياضية لكانو هدو الدنيا علي دماغ اي حد يتعدي الهظار عليهم

  31. halla gh 11/02/2014 21:56 -

    الصعايده اجدع ناس وعييييييييييييب كدة

  32. محمد ناجى (سوهاج) 08/02/2014 15:36 -

    مرة واحد صعيدى راح الصيدلية قال للدكتور انا عايز لبن اطفال قام الدكتور قال له
    اسمه ايه قام الصعيدى قال له اسمه اشرف

  33. papo Qeshta 04/02/2014 00:34 -

    انا مش صعيدى بس والله الصعيده اجدع ناااااااس والله واحلى سلام للصعيده لانهم ناااس محترمه والله

  34. محمد شاكر ابو كريم 25/01/2014 22:26 -

    حرام عليكم اللى بتعملوه دول الصعايده احسن ناس فى العالم وازكى نانس بالعام 
    حسبنا الله ونعم الوكيل

  35. على فكره كلامك عجبنى اوى يا ايمان ومش معنى ان النكت ع الصعايده انهم وحشين بل بلعكس دول رجاله مصر ودمهم خفيف جدا وانا شوفت منهم واقف رجوليآ جدا يا ريت محدش يزعل كلنا واحد مش فارقه والله اهى حاجه بنبتسم بيها وخلاص 

  36. اللي بيقول كده على الصعايدة اكيد دي غيرة منه او انه معرفهمش صح لان الصعايدة هم ارجل واحسن ناس

  37. انا اعيش فى البحيرة لكنى فى الاصل صعيدية من الغنايمة واخى حاليا يدرس بكلية دار العلوم جامعة المنيا ويقيم فى غرفته مع الصعايدة من مختلف المحافظات وعندما نسى مفاتيح غرفته فى البحيرة قبل سفره استضيفوه واعطى احدهم بطانيته له وكان يتغطى بكوفرتة فى عز البرد فمن فعل هذا بغريب لايستحق ان يقال عنه هذه الالفاظ ولا اى شخص اخر استمتع بالنكت دون تعليق سخيف لان هذا ان دل انما يدل على المبدا والتربية

  38. مرة واحد امريكانى وواحد اسبانى وواحدمصرى والامريكانى ركب قابله رجل قال له من انتى قالله انا الجن ابو لباس مشروك وقع وجاء الاسبانى قال له من انت قال له انا الجن ابو لباس مشروك وقع وجاء المصرى قابله الرجل قال له من انت قال له انا الجن ابو لباس مشروك قال له فقسحخيطهولك

  39. اية رجب 12/10/2013 14:49 -

    عيب اوى اللى حضراتكم قايلينوا علي الصعايدة وانا من الصعيد وانا بشكر محمد حسام وبقول لاية انة عادي بالنسبة ليكي انت لكن انا صعبت عليا نفسي علشان انا مصرية زى زيك ولا الصعايدة مش عايشين في مصر

  40. zeinab Eswey 25/09/2013 22:41 -

    مرة صرصار قعد مع مراتة فتفرجو علي tvفئيجم اعلان البيرسول فقللها اقلبي علي افلام الرعب

  41. عبدالله 05/09/2013 20:04 -

    مرة واحد صعيدى ايام حرب اكنوبر بيسال واحد زميله فى الجيش بيقوله انت من دشنا التانى قال له لا قاله يبقى انت من ديش العدو راح ضربه بالنار

  42. love story 23/07/2013 22:48 -

    مش معنى ان النكت على الصعايدة يبقى تنطبق عليهم لان فى نكت تانية كتيره على ناس تانيه كل النكت بتكون خفة دم مش اكتر وارجو من اخواننا فى الصعيد ميزعلوش لانهم برضو من اهل مصر ودمهم خفيف

  43. كارمن 20/07/2013 05:04 -

    انا من المنيا وعيشا في القاهرة وبحب الصعايدة

  44. هشام الهواري 30/06/2013 15:06 -

    بس يا حمو انت وتوتو مفيش غيرنا الصعايدة

  45. amr.temo 17/06/2013 18:06 -

    على فكرة انا قيناوى من قبيلة البراهمة و احب اقول ان كل اللى بيعيبوا فى الصعيد دول ناس ناقصة كفاية ان الصعيد مصنع للرجال و لو تفتكروا ان فى حرب نابليون على مصر ماقدرش يدخل الصعيد لانها فيها رجالة ومش رجالة اسم لا فعل وكفاية بردو ان البنات عندنا متربية على الادب و متعرفش اللوع ولا الصياعة اللى بنشوفها دلوقتى فى اكترية البنات و الواحد من دول يتريق على الصعايدة ولما يشوف صعيدى دمة ينشف و كفاية ان اصلنا متغيرش واحنا ابو الاصول واللى عايز يتعلم المرجلة يشوف الصعيدى بيتعامل مع الناس ازاى وشوفوا الرئيس جمال عبد الناصر فى عهدة كان المصرى كرامتة عاملة ازاى وشوفوا دلوقتى بقينا ازاى كان بيحكم ملايين وكان قدها والناس بتحبة انتوا بقى مين رئيس عندكم مسك السلطة و الناس حبتة ودة بردو دليل على فكركم ومعاملتكم مع الناس

أضف تعليقاً