كتب عامر محمد:
تلقت نيابة غرب الكلية باشراف المستشار ابراهيم الهلباوي المحامي العام الأول بلاغا تقدمت به أسرة أحد الشباب تتهم أجهزة الأمن بتعذيب ابنها حتي الوفاة.
كان السيد بلال حبيب “31 سنة” قد ألقي القبض عليه بواسطة أجهزة الأمن بالاسكندرية بعد تفجيرات كنيسة القديسين بالاسكندرية حيث يوجد ملف له على خلفية انتماءات سابقة. وقد أخلي سبيله بعد استجوابه لمدة يومين وبعد وصوله لمنزله أصيب بحالة اعياء وتم نقله الى أحد المستشفيات بمنطقة أبو الدردار ليلفظ أنفاسه الأخيرة متأثرا بهبوط حاد بالدورة الدموية وأثبت تقرير الصحة المزعوم ان وفاة السيد بلال حبيب لا شبهة جنائية حولها وتم التصريح بدفن الجثة.
قام نشطاء الفيس بوك وعدد من جمعيات حقوق الانسان باعداد حملة عن جريمة قتل السيد بلال حبيب تحت التعذيب متهمين ضباط أجهزة الأمن بتعذيب المتوفي أثناء استجوابه وقام عدد من المحامين بتقديم بلاغات بالواقعة للنيابة.
من ناحية أخرى يبدأ فريق الطب الشرعي الجديد الذي شكله د. السباعي أحمد السباعي كبير الأطباء الشرعيين بالاستعداد للسفر للاسكندرية غدا لتنفيذ تكليفات النائب العام.
أكد د. السباعي ان الفريق الجديد مجهز بعدد من الأطباء والفنيين والأجهزة المعملية لاجراء المعاينات اللازمة لكافة أركان المكان وبيان مركز ومصدر الانفجار وآثاره على كنيسة القديسين والعقارات المجاورة وكذا على الأشخاص المتوفين والمصابين وكذا بيان انفجار الاسكندرية على السيارات التي كانت متواجدة بمكان حادثة الاسكندرية لتحديد تصور لكيفية حدوث الانفجار بعدا أو مستوي أو اتجاها بالنسبة للأماكن والأشخاص والسيارات الواقعة بمداه. وان عمل الفريق بالكامل سيكون بالتنسيق مع فريق الأدلة الجنائية الجديد الذي سيتم ارساله أيضا لمكان البلاغ.
كشف السباعي عن مفاجأة وهي ان جميع تحاليل DNA الخاصة بالأشلاء لم تصدر بعد وان النتيجة الخاصة بها سيتم استلامها من المعامل غدا وبناء عليها ستتم مقارنتها مع عينات من DNA لأفراد من أبناء أو آباء الأشخاص المبلغ بغيابهم وكانوا مكان الحادث حيث سيتم بعدها تحديد إذا كانت الأشلاء تخص أقاربهم أم آخرين.
أشار الى أنه في حالة إذا كشفت ان نتائج التحاليل ان الأشلاء ليست للمتغيبين من أقارب المبلغ عن غيابهم فليس معني ذلك ان الأشلاء تخص الجناة لأنه قد يتصادف عبور أحد أمام الكنيسة أو التواجد لزيارة شخص أو شخص مجهول كان بها وتوفي في الحادث مؤكدا ان تحديد ذلك سيرجع للتعاون مع الأدلة الجنائية وجهود أجهزة البحث.
أشار الى أن القدمين الموجودة ضمن الأشلاء سيعاد فحصها من جديد بعد أخذ عينات منها لبيان ان كانت لسيدة أو لرجل مع مقارنة نتائج DNA مع الابن الذي تقدم ببلاغ بفقده لوالدته في الحادث وعدم عثوره على جثتها حتي الآن.
أكد ان كشف الجناة وحقيقة الحادث ليست أمرا صعبا بل أمر دقيق يحتاج لوقت وليس التعجل الذي من شأنه الاعلان عن نتائج غير صحيحة ولا تعتمد على قاعدة علمية ومعملية وفنية.
طالب وسائل الاعلام المختلفة بالتوقف عن الاجتهادات الشخصية والوصول لنتائج تبلبل المجتمع والرأي العام مشيرا الى أن مثل تلك القضايا ليس فيها سبق اعلامي لأنها قضايا على مستوي الوطن ولابد من الاحتراز والتدقيق في كل ما يكتب.
منتا
ربنا فوق قادر ينتقم من الظالمين
ربنا ينتقم من كل ظالم ويغفر لهذا الشاب
يمهل ولا يهمل
حسبى الله ونعم الوكيل …… سوف ياخذ حقه باذن الله من الفاعل … يوم الحشر
ربنا يظهر الحق و ينصف المظلومين
أولا ألف رحمة تنزل علي موتي عملية التفجير التي تمت في الاسكندرية ونسأل لهم الرحمة والمغفرة 0 لكن المؤسف جدا أن يحدث هذا في مصر تحديداً والمعلوم عن المخابرات المصرية أنها من أقوي المخابرات الموجودة في العالم ربنا مش حيضيع حقك يا بلال,,مين حيعزينا فيك ؟؟؟ ويا ترى حنشوف وقفات احتجاج وتضامن من اخواننا الاقباط زي ما تضامنا معهم ولا لاء؟؟ المصرين كلهم مضطهدين مسلمين ومسيحيين ياريت نكون فهمنا بقى ومحدش يجي يقول بتعملوا فينا كدة ليه.. الي بيعمل كدة فينا وفيكو هو الأمن اللي للأسف اسم على غير مسمى .حسبنا الله ونعمة الوكيل
يارب ترحمهم جميعا
ياجماعه مافيش حد بياخد اكتر من حقه يعنى كلكم بتتكلمو عن اللى مات ونسيتو اللى اتعمل فى كنيسه القديسين
هل ده عمل انسانى أم ارهابى …؟
يا جماعة انا مسيحي
يس انا شايف انه بجد حرام ان اي حد يموت بالطريقة دي………دي لوحدها جريمة تانية …بالرعم ان اللي اعرفه عن السلفيين واللي باشوفه في لقاءاتهم وندواتهم مش كويس لكن برضه لا….دا مسكوا الفاعل نفسه وكان عايش مش ها احب انه يحصل كده ما بالكم ان دا مجرد واحد مشتبه فيه … وبعدين احنا ما اكثر المشتبه فيهم عندنا بسبب ضعف الادلة وقلة الحيلة وقلة الــ………
اما كل المسيحيين احب اقوللكم اوعوااااا تفرحوا في اي حد يموت بالشكل ده…. بالرغم اني زيكم شايف ان اللي يعمل جريمة بشعة بالشكل ده لازم يتعاقب باقصى عقوبة حتى لو الاعدام لكن مش بالطريقة دي لان مش ممكن نعالج الجريمة بجريمة و الظلم بظلم تاني
اتمنا ان يكون حد سمعنى من الناس الى بتدعى انهم جماعة اسلامية انتم اسائتو للاسلام بكل المكايس عمر الدين ما كان كدة من قتل نفس بغير حق فهو كافر ورسول الله صلى الله عليه وسلم كان بيعامل مع اليهود فى التجارة فالدين لله والوطن للجميع الغرب يقولون الاسلام انتشر بالسيف ودة خطاء الدين مسامحة وسلام لان اسمة(الاسلام)
احنا هنكدب على بعض ايوة فية تعذيب من قبل الشرطة وحسبى الله ونعم الوكيل فى الشرطة المصرية
ياجماعة نفسى اقولها بصدق سيبو رجال الامن الدولة يعملوا كدة عشان احنا شعب فرعون ولو سبونا نعمل اللى عوزينة هنخربها واحنا مينفعشى معانا غير كدة
اول حاجه الناس دي كدابه بلال مات في امن الدوله واتصلو باهله في المستشفي واجبروهم علي الدفن ليلا ليه بتعملي فينا كده يابلدنا حسبنا الله ونعم الوكيل
تجب طاعة ولى الامر اذا اطاع الله ورسوله واللهم انتقم ممن قتله
حرام والف حرام اللى بيحصل من الحكومة فى المصريين علشان كده احنا سبناها وسافرنا لانى حكامها ومسؤولوها هما اللى عملوا فينا كده
,والله احنا كلنا استنكرنا تفجيرات الاسكندرية نقول ربنا مش حيضيع حقك يابلال حسب الله نعم الوكيل
يا جماعة مش عاوزين نظلم حد الا لما نتأكد وايا كان سبب وفاتة لو بسبب اجهزة الامن يبقى منهم للة وحسبى اللة ونعم الوكيل فيهم ولازم نعرف ان دة قدر ومكتوب بس مش معنى كدة يتعزب مهما كان الامر وربنا يسترها على الجميع امين
جميع الاخبار التي تابعتها………..تقول ان هذا الشام ينتمي الي السلفيين الدين همهم مركز بالدرجه الاولي علي الدعوه……….ولا يهمهم مين يمسك ايه ولا علشان ايه……….المهم الدعوه لدين الله………بل انهم يفترضون طاعه ولي الامر…………هل الامن اصبح بالغباء هذا ليفتح علي نفسه جبهه اخري؟؟؟!!!وما المقصود من مقتل هذا الشاب اليافع؟؟؟………ولصالح من؟؟؟هو احد شباب الامه وابن العروبه………دي امريكا لما مسكت جماعه القاعده لم تفعل معهم هذا؟؟؟؟ وكلنا تابعنا شهاده السجين السوداني مع احمد منصور………..قال انهم كانو بيهددوهو انهم سيرجعوهم الي سجون اوطانهم…………..وكان لهذا الشاب ان وقع في سجن بلده للاسف…….ومن مارس عليه الارهاب والتعذيب ابن بلده…….وبموافقه ومباركه بلده……هل كنا ندعو له لو وقع في يد الامريكان افضل او اليهود؟؟؟؟؟عيب عليك يا مصر اللي بتعمليه في ولادك……كلنا شجبنا الانفجارات………..واستنكرنها لان ديننا لم يامرنا بها فكيف نفعلها؟؟؟…..هل اصبح القبض علي الفرد لمجرد انه ملتحي…..اين ذهبت المخابرات والمرشدين وقوي الامن حاميه عرين الدوله يبدو انها تحمي عرين الدوله من اولادها فقط………….يقولون زمان نكته مره معرفتش معنها الا لما شفت صورة هذا الشهيد………..يقولون انه تم العثور علي ثمثال من الذهب الخالص ووزنه يقوق 60 كيلو ولكنه ملامحه ليسه واضحه……..تكلم العلماء هناك من قال انه لفتاه او ملكه واخرون قالو فرعون صغير الخ……….الي ان قررو يحضرو خبراء اثار من دوله اوربيه…..لكنهم خافو علي الثمثال وممكن يحطوها في المتحف يحصلها زي زهرة عباد الشمس………..حيحطوه فين يحطوه فين مفيش غير وزاره الداخليه ويبقي مسئوليه الوزير شخصيا……ولكنه من ربع ساعه من تواجده هناك اتصلو بالراسه وقالو الثمثال لرمسيس التاني يا باشا………..طيب عرفتوه ازاي يا ابني………..قالو هو اللي اعترف شخصيا يا افندم………وكان قدر الشاب ان لا يعترف كما اعترف الثمثال………لك الله يا مصر.
الله يرحمه ويدخله فسيح جناته يعنى كل من يقول ربى هو الله يعملو فيه كدة اية يا عالم اين الرحمة اين الانسانية
بتمنى ان المصرين يكونو شىء واحد من كل شى روح واحده ومتالفه يعنى لازم نخاف على بعض وبنعزى الا خوه الا قباط والا خوه المسلمين والاخ بلا وبتحتج على تزعزع الامن الى اليهود عيزين يعملوه ما بينا نحن المصرين جميعا يريدون ان نتفرق
والمصرين للاسف يعرفو واطلب من االامن ان يجيد كل ما يعمل واقول لهم ان جا ئكم فاسق بنبا فتبينو ان تصيبو قو ما بجهالة فتصبحو على ما فعلتم نادمين
واسال الله ان ينصرنا على اعدانا نحن المصرين وينصر الامن والامان فى مصر
هو خالد سعيد جديد يا سكندريه ويا ما حنشوف خالد سعيد كمان طول ما هو ده حالنا
يا جماعة والله حرام . ليه كل اللى يربى دقنه يعتبروه إرهاب والله حرام اللى بيحصل ده وحسبى الله ونعم الوكيل فى الإرهاب اللى أساؤا إلى الدين بأفعالههم الخسيسة الدنيئة
حسبنا الله ونعمة الوكيل
نسأل الله أن ينتقم ممن تسبب في قتله
السيد بلال لم يتم اخلاء سبيله بل اتصلوا باهله اخبروهم انه في المستشفي و عندما حضروا للمستشفي وجدوه قد فارق الحياة و عندما عاينوا الجثة وجدوا اماكن لكدمات و سحجات بالجسم و ثقبين بالراس مكان سلك كهرباء و ثقبين بالخصيتين مكان سلك كهرباء… حسبي الله و نعم الوكيل…. حرااااااام اللي بيحصل في مصر
برافوا يا اخت هبة والله انتى عندك حق فعلا الحكومة هى اللى عامله فينا كده
أولا ألف رحمة تنزل علي موتي عملية التفجير التي تمت في الاسكندرية ونسأل لهم الرحمة والمغفرة 0 لكن المؤسف جدا أن يحدث هذا في مصر تحديداً والمعلوم عن المخابرات المصرية أنها من أقوي المخابرات الموجودة في العالم فكيف غفلت عن هذه الكارثة وهل قبض الابرياء هو الحل لامتصاص غضب الاخرين والادهي وأمر هو موتهم بعد إطلاق سراحهم وهذا شئ مؤسف جداً في النفس البشرية والتي تحمل روح الله عزوجل فلا عقوبة إلا بإثبات الجرم المنسوب للجاني 0 فهلا أنتبهتم ياجهاز المخابرات المصري ؟ والسؤال الذي يطرح نفسه في ظل هذه الظروف التي تمر علي الوطن العربي أليس للموســــــــــــــــــــــــــــــــــــــــاد الاسرائيلي دور في هذه التفجيرات ؟ عليكم باليهود والصهاينة فإنهم العدو الحقيقي وهم وراء أي خراب ودمار في الوطن العربي وكافة أنحاء العالم
ربنا مش حيضيع حقك يا بلال,,مين حيعزينا فيك ؟؟؟ ويا ترى حنشوف وقفات احتجاج وتضامن من اخواننا الاقباط زي ما تضامنا معهم ولا لاء؟؟ المصرين كلهم مضطهدين مسلمين ومسيحيين ياريت نكون فهمنا بقى ومحدش يجي يقول بتعملوا فينا كدة ليه.. الي بيعمل كدة فينا وفيكو هو الأمن اللي للأسف اسم على غير مسمى .