ميدان التحرير الان اليوم

ميدان التحرير اليوم الان

ميدان التحرير اليوم – اخبار احداث ميدان التحرير الان

كتبت – الهام نجيب:

كلنا بنتابع اخبار ميدان التحرير اليوم و مظاهرات مصر في كل المحافظات والمدن المصرية الان، وطبعا ما تقدرش تتجاهل احداث العنف واخر اخبار التحرير الان والانتهاكات اللي بتحصل ضد المحتجين شارع محمد محمود او ميدان التحرير وميادين مصر المشتعلة بثورة الغضب ضد حكم الاخوان اليوم، لانها اكيد ها تأثر عليك بشكل ما في المستقبل او القريب العاجل.

واكيد هاتسمع كلام زي: مصر رايحة على فين ، ، فين الامن والاستقرار ، وهل ممكن نحظى بحياة كريمة ، وكلها تساؤلات بتتردد في اذهاننا ليل نهار بدون اجابة لكن خلينا نحاول نوضح الصورة شوية، عارف انت لما بتكون على وشك النوم او نايم وخاصة لما تكون في قمة الانهاك والتعب وبتحلم بانك تسقط من مكان مرتفع وبتصحى فجأة ، هناك تفسير لعلماء بيقولوا ان ما يراه النائم في احلامه بيشعر بيه حقيقة فلو حسيت انك بتتألم او بتتحرق جسمك بيحس بنفس الشعور وبيتأثر بيها ، وحلم السقوط من مكان مرتفع لو لم تستيقظ من النوم قبله واستمريت لنهايته ممكن او غالبا بتموت – لا قدر الله –  لذلك اجهزتك العصبية بتستنفر وبتصحى فجأة.

ميدان التحرير ليلة اليوم

صورة من ميدان التحرير ليلة اليوم

ايه علاقة كل العك السابق بـ احداث مصر الحالية .. شوف الوضع القائم في مصر قد ايه كئيب والبلد منهكة والاقتصاد في الضياع، وبالفعل سقطت الى هاوية الظلام والتخلف والفقر الان ، لكن بامكانك انقاذها بحالة واحدة لو استيقظت وادركت كم المخاطر اللي بتحيط بينا من الداخل والخارج ومن قوى تدعي انها وطنية وتعرف مصلحتك لكنها في نفس الوقت ماسكة سيف مسلط على رقبتك ممكن تقتلك بيه في أي وقت.

لذا عليك عزيزي المواطن انك تفوق وتصحصح وتعرف مين معاك ومين ضدك وهل هو اللي بيدعي انه بيحميك من نار جهنم وبيسحبك لطريق الجنة وعليك انك تقوله سمعا وطاعة بدون اي جدال او نقاش في الوقت اللي عمال يستمتع هو فيه بالدنيا ونعيمها ولا الثائرين المتواجدين في ميدان التحرير الان او مظاهرات مصر المختلفة ونازلين وارواحهم على اكتافهم عشان ينادوا بالعيش والحرية والعدالة الاجتماعية لجنابك وللشعب كله وانت قاعد بس تراقب وتشوف اخرتها ايه ، ولكن الجماعة اياها اللي ليل نهار بتكدب بدون ذرة خجل وتحاول ايهامك ان أي حد ضدهم عدو للدين وكافر وهم اساسا  خلال اشهر قليلة اثبتوا انهم ابعد مايكون عن الدين وبدت البغضاء في اقوالهم وافعالهم وما يخبئونه للمواطنين في صدورهم من حقد وغل اكبر.

، وما تنساش ان من هدد بحرق مصر من اجل كرسي الرئاسة سيفعل أي شيء عشان يفضل عليه لأبد الابدين ،ولو كانوا بالفعل مدافعين عن الثورة والحقوق لرأينا على سبيل المثال قرارات ثورية في صالح المواطن الغلبان يعني اللي بايده التشريع ليه متجاهل قانون الحد الادنى والاعلى للاجور ( يمكن لأن قادة الجماعة ومواليهم ممكن تتضرر منه ساعتها ) ، ليه سايب الجنود يتقتلوا في سيناء بدون تحقيق والقصاص ، وليه بيستقووا علينا الان بامريكا واسرائيل وهما كانوا بيتهموا مبارك من قبل بالعمالة رغم انه كان بيلعب نفس دورهم الان ، وبالنسبة للاقتصاد لا تنسى قرض البنك الدولي ، والغاء الدعم وارتفاع الاسعار بشكل خيالي وغيره بجانب التخبط والعبث والتناقض في كل قراراتهم وكلامهم .

ميدان التحرير اليوم

صورة اعتصام ميدان التحرير اليوم صباحاً

اما حكاية وقف الحال وعجلة الانتاج وتعطيل المصالح وضياع الارزاق بسبب اعتصامات ميدان التحرير والمظاهرات، فياريت ما تضحكش على نفسك لان مفيش اساسا عجلة عشان يكون في انتاج ، وكمان حال البلد لن ينصلح الا بوجود عدل وديمقراطية حقيقية على ارض الواقع مش بس مجرد شعارات.

واذا كانت الصورة لم تصلك كاملة الى الان او انك تملئك حسن النوايا تجاه النظام الحاكم الحالي وجماعة الاخوان المسلمين اليوم التي تحرك الاوضاع في مصر للاسوأ ، فننصحك بالنظر حولك قليلا ومراجعة تجارب دول حولنا ، مرت بتجربة انظمة تشبه الاخوان المسلمينوزادوا فقرا وجهلا وضياعا وفي الوقت نفسه زادت الطبقة الحاكمة هناك غنى ونفوذا وتسلطا.

مظاهرات اليوم في ميدان التحرير

مظاهرات اليوم في ميدان التحرير الان

لذا علينا ان نحكي بوضوح ونجيب من الاخر : جماعة الاخوان المسلمين لا يألونكم خبالا ولا يتوانون عن اذلال وافقار ومرمطة الشعب كله في سبيل السلطة والكراسي ومشروع التمكين، وعليه ايضا فإن الشعب لو لم يتحرك الان فسنعاني من القمع والاستبداد والفقر والجهل لعقود وربما تتكرر مجازر الشعب السوري على يد الاسد في مصر اذا تركنا الاخوان يتمكنون من جميع مفاصل الدولة واستمروا في تجبرهم دون رادع او قيود تحكمهم بحيث يكون الحاكم خادم وموظف عند الشعب وليس سيد يتحكم في عبيده.

لو لسه لم تشعر بالوضع المزعج والسخيف والمريب في مصر وبأن هناك محاولات لتقسيمها ولا يهمك ما يحدث في سيناء وما يتم من دخول لاعضاء جماعات ارهابية من الدول الخارجية الى مصر مع تجاهل اجهزة الامن لنشاطتهم ونواياهم وسعيهم لتكوين ميليشيات خاصة بهم يبقى مش ها تصحى الا لما البلد تضيع وتقول على مصر السلام.

على كل مواطن فينا بيحب البلد دي ان يكون فعلاً وليس رد فعل لاننا لو فضلنا منتظرين في جحورنا ومشاهدين فقط ( والكلام خصيصا لاعضاء حزب الكنبة ) ، فقريبا ستنقطع عنا كل سبل الحياة ويدفوننا بالحيا ..

وانا لا املك الا اني ادعوكم معي للنزول الى ميدان التحرير والمشاركة في مظاهرات مصر اليوم الثلاثاء للتظاهر ضد الاعلان الدستوري الجديد الدكتاتوري واللي ستكون سلمية ولن يتم الاقتراب فيها من اي منشآت عامة او الاضرار باملاك خاصة ، وهاتكون هناك عدة مسيرات من مسجد مصطفى محمود في المهندسين ، والسيدة زينب و مسجد الفتح برمسيس الساعة الخامسة والتجمع هايكون من قبلها وتتجه جميعها الى ميدان التحرير.

وبالنسبة للي خايف على نفسه او الاهالي اللي خايفين على اولادهم ومانعينهم من النزول اليوم فاعلموا انه كلما كبر عدد المتظاهرين تقل احتمالات حدوث عنف  وما تنسوش ال 18 يوم تبع ميدان التحرير اللي اسقطت مبارك.

وارجو جميع المواطنين النزول غدا والتظاهر معنا بدون خوف لأن من يدافع عن الحق والعدل لا يخاف ، اما من يمسكون بعصا الاستبداد والقمع في وجه مواطنيه فهم على قولة امامنا الفاضل وشيخنا الجليل الشيخ امام عيسى : مرعوبين

واخيرا اوجه رسالة خاصة الى شقيقي الاخوانجي اللي حاول ردعي عن المشاركة في مظاهرات ميدان التحرير اليوم وتخويفي من النزول واتهام المتواجدين هناك بانهم بلطجية واقول له : افتكر لو حرضك قادتك في الاخوان على ضرب المتظاهرين المحتجين ضد رئيسك وجماعتك وقررت تنفيذ التعليمات ان اختك بينهم.

يوتيوب فيديو ابراهيم عيسى حول تطورات احداث مصر ومظاهرات ميدان التحرير اليوم

اخبار ومواضيع ذات صلة:

ميدان التحرير اليوم – اخبار احداث مظاهرات ومسيرات مصر الان

49 comments
  1. ام ساندى 25/01/2014 17:35 -

    احنا بنحب السيسى والنصر لنا

  2. رودينا جوسيف 25/01/2014 17:31 -

    انا بحى الرئيس عبد الفتاح السيسى وبقول لة ياسيسى يا عمهم يا حارق دمهم وراح وجهة للخرفان عم اعنى الاخوان وعم قول لهم شوف السيسى عمل اية علق مرسى من رجلية احنا المصريين وعم نقول النصر لنا مو لللاخوان وتسلم الايادى تسلم يا جيش بلادىilove you egypt وراح قول كلمة اخيرة الشعب المصرى مش جبان ويسقط يسقط حكم الخرفان 25يناير اليوم السبت الى اللقاء رودينا

  3. امير السلام 23/07/2013 17:38 -

    بسم الله الرحمن الرحيم ؛الى كل انسان يعيش على ارض مصر مهما كان اخوان او غير \حافظو على مصر قبل فوات الاوان

  4. مواطن مصرى بيحب بلده 03/07/2013 11:18 -

    رساله للسيد الرئيس محمد مرسى . كلمتين وبس . خرايطة موضحة بها بنود صريحة سوف يتم عمل كذه وكذه و……………………….. الخ . وعلى الشعب ان يرضى او يرفض . الله & الوطن & الجميع .

  5. غسان 02/07/2013 23:44 -

    من منضورنا في اليمن للشعب المصري الشقيق :
    ان هذا الوضع مدروس من قبل قوى خارجيه بايدي داخليه مصريه وبذلك فان هؤلاء لايسعون لصلاح وامن مصر بل لاعادة النظام السابق
    وبذا نحن نقول الله يصبر الرئيس مرسي على هذه المحن ويجنبه اياها
    ويفسد مخططات العابثين
    وتحيى مصر

  6. ﻳﺎﺭﺏ ﻣﺤﺪﺵ ﻳﻤﻮﺕ ﺇﻧﻬﺎﺭﺩﻩ…. ﻳﺎﺭﺏ ﻣﻔﻴﺶ ﻗﻠﺐ ﺃﻡ
    ﻳﺘﺤﺮﻕ ﺇﻧﻬﺎﺭﺩﻩ ﻉ ﺍﺑﻨﻬﺎ ﻭ ﻻ ﺿﻬﺮ ﺃﻱ ﺃﺏ ﻳﺘﻜﺴﺮ ﺑﻌﺪ
    ﺍﺑﻨﻪ … ﻳﺎﺭﺏ ﻣﺤﺪﺵ ﻳﺘﻬﺎﻥ ﺇﻧﻬﺎﺭﺩﻩ ﻭ ﻻ ﺣﺪ ﻳﺘﺨﻮﻥ ﻭ ﻻ
    ﺣﺪ ﻳﺘﺎﺧﺪ ﻏﺪﺭ ﻭ ﻻ ﺣﺪ ﺩﻣﻪ ﻳﺮﺧﺺ ﺗﺎﻧﻲ …. ﻳﺎﺭﺏ ﺧﻠﻴﻚ
    ﻣﻌﺎﻧﺎ ﻭ ﺍﻧﻈﺮ ﻟﺤﺎﻟﻨﺎ ﺑﻌﻴﻦ ﺍﻟﺮﺣﻤﺔ . (“:

  7. ابو عمار 26/06/2013 14:41 -

    احنا زهقنا من الكدب والتضليل والنفاق والخداع ومن الاخوان وحسبى الله فى كل واحد ما ينزلش يم 30/6 علشان مصر

  8. بلادي الحبيبة الجميله الذي 
    عاش فية سيدنا يوسف
    ليه تيجواالان وتدمروها
    احمق غابي

  9. مصرى 23/02/2013 17:53 -

    انا لست منحازا” ولا تابع لأى حزب او فصيل – ولكنى مواطن خائف على بلدنا من الانهيار لاقدر الله – واحترم كل الآراء والمطالب – ولكن العقل والمنطق واحترام  انفسنا امام الجميع يتطلب منا جميعا” التعقل فى الأفعال والأقوال والتقارب مع بعضنا بالحوار المبنى على بناء واحترام ارادة الشعب – وننكر انفسنا امام مصلحة مصر – فلن يفيد التجاهل لأى فصيل – ولا التخريب والتدمير والتخوين لن يكون فى صالح البلد كلها – وكل المصريين خاسرين بهذا الفكر وهذا النهج – فليجتمع رؤوس الحكمة من كل فصيل مع بعض وينكروا ذاتهم – ويتناقشوا ويتداولوا كل الخلافات – ولازم يوصلوا لحلول – ويخرجوا علينا متحدين لصالح الوطن والمواطنين – ونتسامح جميعا” من اجل مصر – واعلموا ان الأيام تتداول بين الناس – من يحكم اليوم نعينه ونحترمه – وسيكون محكوم بالغد وهو بدوره سيعين ويحترم حاكم الغد – وهكذا – ومن سنن الحياة التغيير – فالنصبر جميعا” ونتسامح ونحترم انفسنا ونعمل لصالح البلد والشعب الذى فاض به الكيل من ضيق العيش والمشاكل – ارحموا الشعب المصرى وارحموا انفسكم ونسأل الله الهداية لنا جميعا”.

  10. ابو الهول 08/02/2013 14:21 -

    ان شاء الله رينا ها يعز مصر

  11. نورالدين - الجزائر 02/02/2013 16:48 -

    ما يحدث في مصر الحبيبة يمزق الفؤاد إربا إربا، والسؤال المطروح، اين علماء الدين الذين يطلب منهم الوقوف وقفة جد ومسؤولة تتطلب أخذ قرار ولو كان خطيرا، لكن من شأنه إخماد نار الفتنة، أما رسالتي للشباب المغرر بهم الذين يهدمون بأيديهم ما مات عليه أجدادهم لتحقيقه، فهذا ليس من العقل في شئ، واقول لهم أنظروا حولكم هل تجدون من يحضركم على ذلك بجانبكم، أم تراهم قابعون وراء الكمرات للتعليق والتنديد …..إلخ وهذا ما حدث في الجزائر، حيث يتواجد أبناء عباسي مدني في بريطانبا لمتابعة دراساتهم بينما يحرضون أبناء المواطنين الضعفاء والشباب المغرر بهم لإرتكاب المجازر. إخوتي عودوا إلى جادة الصواب وأتركوا السياسة والكراسي لأصحباها وتفرغوا لشؤون أمتكم ولو بالدعاء الصالح .. والسلام عليكم ورحمة الله … تحيا مصر   

  12. حافظو على الوحدة الوطنية وعلى الوطن احنا زهقنى حرام عليكم

  13. احمد 30/01/2013 02:05 -

    بجد انا كنت بحب ابراهيم عيسى الا انى فى الوقت الحالى استشعر انه متخلف بجد انسان غير سوى بجد هو مش بحملات هو بقروق

  14. جون المصرى 26/01/2013 23:11 -

    تسلمى ويسلم اى مواطن فى مصر بيكره حكم مرسى ومبارك واحنا عاملين زى الى شالو قالو وحطو شاهين طلعوا الاتنين مش نافعين ونصيحه يادكتور مرسى ماتمشيش ورا كلام الاخوان واعمل زى عبدالناصر والسادات وكمل المسيره لوهايبقى فيها بقيه وخاف على شعبك كله وارضك بدون مصالح شخصيه او اخوانجيه يااما تسيبها للى يقدرها ويعرف يدورها . وربنا دايما بينصر شعب مصر لما بيدور على حقه وياويل الظالم وتاريخنا يشهد لنا لانك لومارجعتش ياعالم ممكن تروح تنام فى الجناح الى جنب مبارك وانا بصراحه سمعت انه حاجزلك سرير معاه بس انا بصراحه ياجماعه قلبى حاسس ان مرسى كده والله اعلم مضحوك عليه يااما حد بص له فى الكرسى محسود يعنى لانه تقريبا نسى يكتب على قصر الرئاسه ماتبصليش بعين رضيه بص للى ادفع فيا وسمعت كمان انه عامل ندر لو المظاهرات عدت على خير هايكتب على الطياره الخاصه به العين صابتنى ورب العرش نجانى وبعدها يروح يحج فى السعوديه ومايرجعش تانى وشكرا احسن بيقولوا الاخوان بس الى بيعرفوا يتكلموا بس احنا فى الخدمه

  15. جون المصرى 26/01/2013 22:37 -

    تسلمى من كل شر انت وجميع المصريين مسلمين ومسيحين كلنا ابناء وطن واحد ولازم نرفع الستاره السوداء عن اعيننا ونقول للظالم لا لا لا لا والف لا وهما دول الى اسائوا حقا للاسلام والمسلمين وشعب مصر متبرىء من افعالهم الماضيه والقادمه وربنا ينصرنا عليهم ويرفع دائما عالم مصر منتصرا تحت شعار الهلال والصليب والدين لله والوطن للجميع ومستعد للشهاده تحت شعار واسلاماه وفدأ لمصر وابنائها الاشراف الاوفياء

  16. محمد 25/01/2013 19:49 -

    ألهم  رد كيد الكادين الماكرين وانصر الرئيس عليهم وانتقم من صباحى والبردعى وموسى انهم فاكرين المصريين اغبياء كل ما ييجى مسؤل امريكى يخربو فى مصر دورهم على ايد الشعب وليس الاخوان الشعب هيرد عليهم وها يقضى عليهم ذى الممتليك زمان

  17. مصري وبحب مصر حتي الناغ 25/01/2013 13:27 -

    ايوة مصري وبحب مصر وبحب كل مصري حتي لو كان بدين او تيار  مختلف عني وعلشان بحب مصر ودية امانة مش لي ولاغيري بس علشان وابنائي  هانزل اقول كفاية بقي يا اخوان تصافية الحساب من دمنا   مش ممكن مصر تقسم بين مسيحي ومسلم ولا اخواني  وعلماني مصر وطنا  لكل المصرين   كمش ها نجرب لاننا عارفين ان الاخوان مش  قادرين 

  18. ayman abooeesa 23/01/2013 01:41 -

    يا عم مين الطرف الثالث الا زود اسعار كروت الشحن ووزير الاتصالات الأمس انكر ذلك أكيد هو طرف لسانه طويل زى ايده ههههههههههههههههه

  19. ayman abooeesa 23/01/2013 01:38 -

    كان فين صوت الحمير لما كانت العصا والجزرة من أفكار مبارك ونظامه الذى حكمنا 30 سنة حسبنا الله ونعم الوكيل

  20. ayman abooeesa 23/01/2013 01:36 -

    اللهم انصر مصر واجعلها فى كنفك من جهلاء ويحسبون انهم يحسنون صنعا

  21. ملك عبد الرحمن 18/01/2013 05:26 -

    اتقوا الله فى مصر انتو عايزين تخربوها ادو الرئيس فرصه و الله هوه عايز يصلح البلد حسبى الله فى كل واحد عايز يعمل شغب و مظاهرات و يخرب البلد و ربنا يقويك علينا يا ريس و يجعل كيدهم فى نحورهم

  22. خالد توفيق 15/01/2013 10:02 -

    يسقط حكم المرشد / يسقط حكم المرسى / يسقط البلتاجى / يسقط العريان / يسقط صفوت حجازى يسقط كل من يقول نعم للاخوان

  23. خالد توفيق 15/01/2013 09:58 -

    ايها الاخوان المتاسلمين هذه رسالتى اليكم ( اذا كان لديكم ميلشيات تحميكم ) فنحن الله يحمينا ونحن على اتم الاستعداد تكوين مخلصين مصريين من الثوار وليس مليشيات كما تطلقون من جميع انحاء الجمهورية فأذا كان عددكم خمسة الاف او عشرة الاف فأقسم بالله اذا قمنا بهذه المبادرة واردنا تكوين هذا الشباب للتصدى لاى بلطجة والتصدى لاى بلطجى يحاول تهديد امن مصر وشعب مصر فسوف نكون درعا مساعدا مع رجال مصر الشرفاء رجال الشرطة والقوات المسلحة لحماية مصر من اى خائن فسوف يكون اعدادنا لا تقل عن مليون شابا ومثلهم رجالا
    اوفياء لمصر على اتم الاستعداد لتقديم ارواحهم للموت فداء لمصر ايها الاخوان المتاسلمين والمتصهينيين أستيقظوا من غفلتكم واحترسوا من شباب مصر المخلص حماكى الله يا مصر من كل خائن

  24. خالد توفيق 15/01/2013 09:49 -

    الى شعب مصر العظيم يوم 25 يناير 2013 يوم تحرير مصر من اعداءها من خونة مصر من عملاء الامريكان والصهاينة فيجب على جموع الشعب المصرى النزول الى جميع ميادين مصر للمطالبة بعزل اى اخوانى عن اى منصب قيادى بالدولة وحل حزب الحرية والعدالة ومحاسبة قتلة الشهداء الحقيقيين ويعرفهم جيدا البلتاجى وصفوت حجازى ( ثانيا ) الغاء دستور الاخوان ( ثالثا) قيام حكومة انقاذ وطنى من جبهة الانقاذ الوطنى برئاسة مرسى للخروج من الازمة الاقتصادية التى تمر بها مصر وحتى يتم عمل دستور توافقى لكل المصريين ( رابعا ) محاسبة الاشخاص الذين قاموا بمحاصرة المحكمة الدستورية ومنعهم من الدخول لعدم اصدار الحكم الخاص ببطلان التأسيسية بطلان مجلس الشورى وبطلان الاعلان الدستورى
    ( رابعا) عدم المساس بقضاء مصر العظيم
    هيا يا مصريين نحمى مصر
    / نحن فدائيين لمصر ولترابها حماكى الله يا مصر

  25. بنت اليمن 15/12/2012 23:28 -

    اللهم افضح المعارضة وشتت شملها ومزقها كل ممزق واحفظ مصر وأهلها ومن أراد الخير لها

  26. اسلام ابراهيم 13/12/2012 00:59 -

    لا للاحزاب ونعم للاتحاد مصر محتجانة لو كل واحد غير اللى فى نفسه وسعى لمصر فاننى اقسم على اننا لن نحتاج الى رايس او غيره

  27. المعارضين مش عاجبهم العجب كل شويه يعترضوا

  28. سحمدي 09/12/2012 14:49 -

    عاش مرسي الله يبصره على معارضيه الخائنين

  29. سحمدي 09/12/2012 14:48 -

    اتقوا الله في بلدكم وانحازوا الى اصحاب الحق انحازوا الى رئيسكم انه لرجل دولة يحب الخير لبلده وهو سائر بها الى التقدم والازدهار كفاكم الاستماع الى شرذمة تحسب نفسها معارضة وهي في الحقيقة مدمرة ومخربة

  30. hany ramadan hashim 07/12/2012 15:47 -

    لا للاخوان والفلول والف نعم للشباب فليحكم مصر الشباب فقط هم الشباب

  31. الشعب يريد قرار الرءيس
    تحيا مرسي

  32. شيماء سالم 06/12/2012 11:52 -

    ربنا معاك   ياريس مرسى  وربنا يدى كل واحد على قد نيته و أتمنا أن يفهم الشعب معنى الديمقراطية . ليس معنى الديمقراطية الاهانة للرئيس الذى يمثل الشعب المصرى ومن يفعل ذلك فإنه مجرد من الاخلاق و المبادئ ولا يفهم معنى الديمقراتية  لذى فليس من حقه الدفاع عنها يقولون الاخوان يخربوا ويقتلوا والله انهم كاذبون وان القوى السياسية الفاشلة ارادت ان تقوم بالفتن فقد تم الاعتداء امامى على شيخ عبر احداث الاتحادية وكان راكبا سيارته بدون وجه حق واخر فى الشارع كل ذنبهم الذقن وحدث هذا امام قصر الطاهرة فمن يدافع عن الديمقراطية من القوى السياسية اليس من حق هؤلاء الاحتفاظ بالذقن  وهل من حق المعترضيين الاعتصام عند القصر فهل ضاقت مصر والغريبة ان الاعلام المرتشى لا أحد يعلق و يقول كيف يسبون الرئيس ويكتبون على حوائط القصر هذه الشتائم القذرة فإن كان هذا هو مفهوم الديمقراطية لديكم! فالتسقط اليمقراطية وأنتم معها حسبى الله ونعم الوكيل.

  33. على فكرة الناس الى فى التحرير وامام الاتحادية وفى جميع ميادين القاهرة دول ناس القاهرة بس لكن انتم بتدفعواللناس بتوع الارياف علشان تملو ميدان واحد فقط انتظروا يا اخوان واتفرجوا على عظمة المصرين يوم الجمعة وما بعدها يا قلة على فكرة احنا مسلمين غصب عنكم وعلى راى المثل اية حال الصفر الى على الشمال قال ملوش لزمة فى جميع الاحوال زى راسكم

  34. اريد مصر حرة ليست تابعة الى اخوان او اخوات زى الربع رئيس بتاع الاخوان الى هو واخوانه بيضحكوا على الناس باسم الدين و الشريعة وفكرين المصرين اغبياء وكل الجماعة واتبعها الديول الجداد فى الساحة طامعين فى قطعة من التورتة ولكن احذركم من غضب الشعب المصرى

  35. مش هترتاحوا الا لما     يدخل عليكم اليهود والامريكان   وغيرهم من الطامعين ساعتها يمكن تفوقوا      وتندموا            حيث لا ينفع الندم

  36. ام رحمه 28/11/2012 02:18 -

    انتى رجل منافقو وكلب من كلاب العصر البائت لعنت فى مبارك العصايا و الجزرة و انشاء الله الاخوان حتقطعك زى الجزرة يا زبالت السياسيين

  37. دلوق 27/11/2012 16:23 -

    Lماعلش مرسي رجل صالح واللي بيعملوه دلوقتي بالتحرير مدفوعين ومايهمهمش مصلحة مصر ونص البلاء ولاكلة ياجماعة حاتندموا عاى نزلتكم التحرير خلوا الراجل يشتغل ولواتخز قرارات تمسكم كمواطنين بعدين انزلوا التحرير انتوا كدة بتدافعوا على مصالح غيركوا يعني استخدمكم البعض جسور فقط 

  38. اسامه مشعل 27/11/2012 13:38 -

    والله لقد اوشكت مصائب كثيرة ان تقع ولكن الله سلم فلماذا ؟؟؟؟ من لا يعتبر فلا عقل له

  39. اسامه مشعل 27/11/2012 13:36 -

    “وتمكرون ويمكر الله والله خير الماكرين ” والله سيحدث حدثا فى خلال اوقات قليلة سيكشف من يحب مصر ومن يحب نفسه بل سيحدث من عند الله مالا يتخيله بشرا فى هذه الايام وحسن ظنى بربى والله على ما قول شهيد

  40. سماح 27/11/2012 11:51 -

    القضاه اللي كانوا ناويين يصدروا حكمهم بحل مجلس الشوري والتأسيسيه مثلما فعلوا بمجلس الشعب ثم يأتوا بالمشير وعنان من جديد  بعد الغاء دستور مرسي لم يراعوا الضمير ولا مصلحه الامه لذلك يجب نشر اسماءهم وكان قرار الرئيس ذكيا وحاسما اربكهم واربك خططهم  كذا انصارهم من احزاب كلها تابعه لمصالح الغرب واول هؤلاء البرادعي وعمرو موسي وصباحي والفرق التي تنتهز كل فرصه لاحلال الفوضي والتخريب واولها اتحاد ماسبيرو وغيرهم المعروفين كل هولاء لابد لهم من محاكمه لانه ليس حريه تعبير ولكن مخطط وضيع لا يليق بمن ينتمي لهذا البلد الطيب  بل ونطمح في قرارات اكثر حسما  وفضحا لهم

  41. محمد مهاجر فرنسا 27/11/2012 03:10 -

    إلى كل الشعب المصري
    ، أعرف أن القليل من إخوتنا المصريين من سيتمكن من قراءة هذه الكلمات، لكن أتمنى أن ينشرها من وافق على ما هو مقترح فيها: أولا: أتعلمون من هم محمد البرادعي
    ، عمرو موسى، والبقية تعرفونها؟ ثانيا: هل ترشحوا للانتخابات الرئاسية أيام مبارك هذا إن كانت آنذاك انتخابات؟ لماذا يحرضون الشعب على الخروج والثورة على قرارات الرئيس؟ إنهم وبكل خجل من نفسي طمعوا في الجلوس على كرسي الرئاسة فمنعتم الصناديق من تحقيق إحلامهم، ومكنت غيرهم من تحمل المسؤولية وما أدراك مالمسؤولية، إن الكيان الصهيوني يمول هذه الحملة التي يقودها هؤلاء الذكور، لأن الرجولة صفة أكبر منهم، لكونها تمنع حاملها من بيع نفسه بالمال، أو التحريض على الفتنة. إن المتضرر الأول والأخير هم أنتم إيها الشعب المصري الشقيق، لكون هؤلاء الذكور سيطيرون إلى عواصم الدول الغربية هم وذويهم كي يعيشوا في فيلات فاخرة بأموالكم المنهوبة وأموال الأعداء المتربصين بكم، طبعا بعد زرع الفتنة بينكم وتحليل دمكم على أيدي من لا يرحمكم من السفهاء ومن ان يرحمكم من بني جلدتكم، وأخيرا أتمنى أن يسأل كل واحد منكم نفسه ماذا يريد كل من له صلة بالنظام السابق من هذا النظام الجديد الذي اخترتموه أنتم؟

  42. salembeny 27/11/2012 00:12 -

    حرام عليكو كفايه افترائات على الاخوان ايه المكسب الى خادوه الاخوان سيبو البلد تمشى علشان الغلابه تعيش انمتو لوبتحسو بالم الفقراء ماكنش ده رئيكم انتم تريدونا الفوضى من اجل مصالحكم اما الفقراء بالنسبه لكم مجرد ادهتستخدمونها عند الحاجه ولوبتحبو البلد بجد كنتو تتحدو من اجلها لاكن انتم تستغلون الشباب الغير واعى لتحقيق مكتسبات على حساب البلد مشوفناش حد قام بمشروع او حل للازمات المفتعلة اوقدم اى شيئ ملموس من اجل الفقراء كلها شعرات تريدون بها الفوضى والرجوع الى الوراء من يحب هذ الوطن يقدم نفسه من غير ان ينتظر الثمن واخيرا اتقو الله فى مصر

  43. بشار 26/11/2012 20:31 -

    انتوا اصلا عالم ولاد *** وعايزين تخربوا البلد الاخوان اللى انتوا بتتكلموا عليهم وتقولو انهم عايزن الكرسى والسلطه بالقوه طلع دين ابوهم فى عصر مبارك الله يحرقه وكانو  مالين المعتقلات والسجون لو كان الدكتور مرسى ديكتاتور ومتسلط زى ما بعض الاغبياء اللى زيكم بيقولو مكنش ساب كل من هب ودب يطلع على التلفزيون ويشتم ويسب فيه كان حد يجرؤ يكلم ربع الكلام ده ايام المخلوع لكن فى النهايه احنا شعب مالوش السياسه واظن الفرق واضح بين ايام مبارك وايام مرسى كان الى يفتح بقه كان بيروح ورا الشمس والمفروض يا عالم يا مثقفه تهدوا الناس مش تولعوها مانتوا سبتوا مبارك 30 سنه على ما حصل مظاهره منتوش صابرين على د\مرسى  شهور بلاش ظلم بقه يالى بتتكلموا على الظلم وعلى فكره انا واحد من حزب الكنبه الى انتو بتتكلموا عنه وبصفته….وربنا على الظالم

  44. احمد عبد الكريم علي 26/11/2012 17:25 -

    شيئ غريب حدث ويحدث في مصر لقد دفع الشعب اغلى مايملك من كرامة وتطلع الى الحرية والمستوى اللائق بالانسان والعيش الكريم منذ وفاة الزعيم الخالد عبد الناصر والى الان ، واستطاع هذا الشعب ان يسقط بثورة شعبية نادرة حكم الدكتاتور مبارك ولكن بسبب اخطاء طليعته الثورية المثقفة وتشتتها وعدم وجود قيادة شابة فاعلة تشارك هذه الطليعة وتحد من ترددها وتجاوز اساليبها القديمة او طيبتها التقليدية التي هي اقرب الى الضعف مما اتاح للأخوان المتخلفين وما ادراك ما الاخوان سرقة الثورة واعاد النظام السابق كما هو بغطاء ديني كاذب . وعليه لابد لابد لابد من قيادة ثورية موحدة ليس لها بديل الا اسقاط حكم الاخوان وادارة مصر وفق منطلقات ثورة 25 يناير المجيدة التي اجهضت والمتمركزة على مبادئ الحرية والكرامة الانسانية والديمقراطية والعيش الكريم وعدم قبول اهداف جزئية او مرحلية بأي شكل من الاشكال مثل سحب الاعلان الدستوري الاخير او الغاء اللجنة التاسيسية للدستور. فهذه الاهداف المرحلية الخائبة عمرها لاتحقق ثورة حقيقية بل تعني ارتكاب الاخطاء القديمة مجددا وهي تفرح الاخوان قبل غيرهم لانها تضمن بقائهم في السلطة وتحقيق اهدافهم المنحرفة الباطنية العميلة ولعل اهم من ذلك تجهض الثورة مجددا وتجعل جموع الشعب في حالة ضياع ويأس واحباط بل وانفضاض عنها. لابد من الاطاحة بنظام الاخوان بقيادة مرسي وتشكيل قيادة ثوريةجديدة دون حلول ترقيعية بدعوى الواقعية والحكمة وحقن الدماء ومتطلبات المرحلة الانتقالية والظروف الاقليمية والدولية . اللهم اشهد اني قد بلغت اللهم اشهد اني قد بلغت وغدا الثلاثاء 27-12-2012 يوم آخر انشاء الله

أضف تعليقاً