اخبار كنيسة القديسين الاسكندرية

احد ضحايا حادثة كنيسة القديسين الاسكندرية : بعد الانفجار وجدت نفسي بين اشلاء وجثث

مصريات

عاطف أبوالخير
أكد أشرف منير رزق الله 37 سنة أحد المصابين في احداث كنيسة القديسين بالاسكندرية سيدي بشر والمحجوز بمستشفى الهلال أن الاعتداء في كنيسة القديسين بالاسكندرية موجه لكافة المصريين وليس الأقباط. وهدفه زعزعة استقرار البلاد وأمنها القومي.

قال انه كان يتوجه سنويا كعادته هو وزجته وشقيق زوجته من كفر الدوار لأداء الصلاة بكنيسة القديسين بالاسكندرية في العاشرة والنصف مساء. وبعد انتهاء الصلاة في الثانية عشرة والربع انتظرت شقيق زوجتي الذي اصطحب ابني مايكل 4 سنوات لاحضار سيارته فوجئت بانفجار شديد قذفنا لعدة أمتار لنجد أنفسنا وسط الجثث والاشلاء.

أضاف انه بعد ذلك قامت سيارات الاسعاف بنقلنا إلي المستشفيات بالقاهرة ومعي 3 مصابين عبر مطار النزهة في الواحدة والنصف بسيارات الاسعاف المجهزة وفي الخامسة فجرا وصلنا مستشفي الهلال حيث كان في انتظارها فريق طبي من 9 أطباء في كافة التخصصات وعلي الفور تم عمل الفحوصات والاشعات حيث تبين اصابتي بكسور مضاعفة في ساقي اليمني. وتم عمل اللازم واخراج العديد من المسامير والزجاج من جسدي ووضعي في العناية الفائقة بعد ان تبين أيضا اصابتي بكسر مضاعف في الجمجمة.
أوضح انني في اليوم الثاني علمت ان زوجتي وابني الوحيد بخير وأنهما أصيبا بخدوش بسيطة.

اخبار ومواضيع ذات صلة:

احد ضحايا كنيسة القديسين الاسكندرية : وجدت نفسي بين اشلاء وجثث

28 comments
  1. زينه 09/01/2011 21:03 -

    ربنا يصبركم واحنا بجد قلوبنا معاكم واوعى تصدقوا الاكاذيب دى كل ده عشان يعملموا فتنه بينا وصدقونا احنا بجد فى منتهى الحزن وربنا يصبركم

  2. الاخت التي تريد ان تعلم مكان التفجير القادم اود ان اقول لكى انتي لستي اكثر منا حزنا واعلمي يا اختاة ان ما حدث لم يراد بة الا زعزعة امن مصر وان من فعل هذا العمل الارهابي لا يمد للاسلام باى صلة وياريت نحكم عقولنا فنحن نعيش اخوة وسنضل اخوة حتى تقوم الساعة \\\\\\\\\\\\عذائنا لاسر المفقودين

  3. احمد سلامة 07/01/2011 02:30 -

    بسم الله الرحمن الرحيم ياايها الذين امنوا لا تتبعوا خطواة الشيطان صدق الله العظيم اخواني المسيحيين ارجو ان تكونوا علي يقين بان من فعلى هذا العمل الارهابي ليس مسلما وان الدين الاسلامي لم يدعويوما للارهاب ونحن ندعو الله ان يدفع البلاء عن وطننا وارجو الا تنطوى عليكم هذة الحيل القزرة ف الدين لله والوطن للجميع ونحن اخوةنعيش تحت سماء واحدة ايدينا متشابكة لن تنفلت ولن تترك بعضها

  4. انسانة بس حزينة 06/01/2011 23:12 -

    انا عايزة اقول تعزياتى كل ضحايا الكنيسة وشفاءء كل المصابين ويت شفائه على خير وال انتقل الى السماء هو فى نعيم ومحدش يحزن علية عشان هو فى الفردوس بس بجد ربنا هيجيب حقة وربنا مش بيسيب اى حق حد

  5. مصريه 06/01/2011 15:21 -

    انا فتاة مصرية مش هقول مسلمة ولا مسيحية لانى مفيش اى فرق كلنا واحد عيشين فى بلد وحدة والحادث ده اثر فينا كلنا والهى وحسبى الله ونعم الوكيل فى اللى عايز يخرب مصر

    وربنا يصبر اهالى الضحايا اللى هما كلهم ضحايانا

  6. عبد الله 06/01/2011 13:47 -

    الحمد لله علي سلامتك وسلامة اسرتك واعلم انك مصري بجد لأنك جزء من جسد واحد فان تألم جزء منه تألم الجسد كله الله يشفينا ويعافينا من السرطان الذي ينخر في عقل الكثيرين ممن لا يقدرون حجم الفاجعة والجاهلون بتعاليم الاديان الاخري قبل ان يتهموا غيرهم بغير بينة

  7. مدونا يسوع 06/01/2011 11:29 -

    انا بشكر كل المسلمين وشعورهم الطيب دا

  8. فتش عن اليهوووود هم المستفيدون ……. الى اخوانى المسيحيين لا تبتلعوا الطعم

  9. حنان محمد بدوي 05/01/2011 21:37 -

    انا ياجماعة متغربة عن مصر حوالي 23 سنة كنت في بداية سنوات الغربة لما كنت بانزل مصر كنت بابقى عاوزة احمل ترابها في ايدي علشان ماادوس عليه لانه غالي عندي وبدا هذا الشعور بيفتر تدريجيا لاني كنت كل مانزل ازور مصر احس كما لو كانت على حافة حفره واقتربت من السقوط وفي بعض الاحيان كنت باحس انها شيخ عجوز كبير في السن ولم يجد من يهتم به فاصبحت ملابسه متسخة كما انه لم يجد العصا التي يرتكز عليها ليرفع قامته و كنت اتعرض لكثير من المشاكل كالسرقة مثلا ولم استطع الحصول على حقي فارجع تاني لغربتي وانا قلبي ينزف لحزني على بلدي وخصوصا ان الواحد شايف الدنيا كلها من حوله بتتغير للافضل والاحسن لكن بعد الحادث الاليم (مذبحة الاسكندرية ) احسست كما لوكانت مصر هي بنتي (طفلتي )ولو كانو قالولي ناخذ حياتك في مقابل انها لن تصاب بضرر لكنت تبرعت بها فداء لوطني واستقراره
    ياجماعه مافيش اغلى من الوطن لو ضاع الوطن هايضيع منك الحلم والامل في بكره خليكو اذكياء (مسلميين ومسحيين ) وافهمو الغرض من الي حصل وحاولو تخيبو ا امال المعتديين وياريت الحكومه تحترم ادمية الناس في توفير فرص العمل المناسبة وتوجيه الشباب حتى لايقع فريسة سهلة والمطلوب من الحكومة ايضا القضاء على الفساد بجميع صوره بالفتك به وسحقه لكي يحس الجميع بالانتماء لهذا الوطن (لااله الا الله محمد رسول الله )

  10. ahmed_kabary 05/01/2011 20:34 -

    لا حول ولا قوة الا بالله وربنا يصبر اهالى الضحايا سواء مسلم اومسيحى واتمنى ان تكون اخر اعمال العنف والارهاب ومهما حصل مصر وحدتها مش هتنكسر ابدا ابدا واشهد ان لا اله الا الله سيدنا محمد رسول الله……………..وحسبى الله ونعم الوكيل………..لالالالالالالالالالالالالالالالا للارهاب

  11. ahmed_kabary 05/01/2011 20:31 -

    بسم الله ارحمن الرحيم…….لا اله الا هو وحده لا شريك له له الملك وله الحمد يحيى ويميت وهو حى لا يموت بيده الخير وهو على كل شئ قدير ……………..انا مسلم من اسكندرية والله ياجماعة اللى حصل ده جرح قلوبنا جميعا لان ده ظلم وكفر ده ربنا مقالش كده وبعدين النبى ص كان متزوج من ماريا القبطية ارجو ياجماعة الموضوع ده مياثرش علينا وعايزين نقفم وقفة واحده عشان حق الشهداء ميرحش هدر والله المستعان……………..الارهاب دين له

  12. ahmed_kabary 05/01/2011 20:23 -

    انا مسلم واحب اخواننا المسيحين ومفيش شل ان اللى حصل مؤامرة ضد مصر لزعزعة امنها ولكن نشكر ربنا على كده لاننا عرفنا قد ايه محبه مص مفيش فرق بين مسلم ومسيحى وربنا هيجيب لنا حقنا ….. وحسبى الله ونعم الوكيل……….

  13. محمدسعد 05/01/2011 19:33 -

    اطالب بإعدام الجناة فى تفجيرات الإسكندرية.. والمسلمون عليهم حماية الكنائس مثل المساجد.. وجهات خارجية قامت بالحادث لزعزعة استقرار مصر وانا مسلم مصرى ارفض العمل الاجرامى الذى حدث

  14. د/مروه 05/01/2011 17:21 -

    حسبي الله ونعم الوكيل في الي قام بالعمل الإجرامي البشع ده
    والإرهاب لادين له
    الي حصل ده مايرضيش اي حد لامسلم ولانصراني
    والي بيثير الفتنه بينا لايمكن يكون مننا
    اكيد كلنا عارفين مين صاحب الإستفاده في كل الي بيحصل ده
    عاوزين بجد نعرف عدونا ونكسف جهودنا ضده

  15. المهدى 05/01/2011 13:38 -

    الارهاب مسبش حد يما مسلمين رحو فى الارهاب ربنا عوز كده ليصلح الناس اعملهم الاخوه المسحين ليه عملين كده مع المسلمين ما ممكن يكون مسيحى منفز الكلام ده

  16. المهدى 05/01/2011 13:35 -

    هو انت لازم تجى من كفر الدوار عشان تصلى فى سيد بشر الصلاة فى اى مكان تنفع مش لازم مكان محداد ربنا فى كل مكان حمدالله على السلامه

  17. الفنك الليبي 05/01/2011 10:14 -

    لا اعتقد ان هناك مصري او عربي قبطي او مسلم…………يرضيه ماحدث ضد كنائس مصر ولن اقول الوحده الوطنيه والكلام الهجص………..بل اقول ان ديننا الاسلامي اوصانا باهل الكتاب…………..وجميع حكام الاسلام وخلافائهم عبر الاسلام استوصو باهل الكتاب خير……………ولمصر نفسها قصه في هذا وكلنا نذكر ما فعل سيدنا عمر…….عندما لجاء له القبطي المصري وابنه وقولته الشهيرة اضرب ابن الاكرميه……………اي ان التعايش السلمي مع الديانات من صميم ديننا الحنيف………….والقول ان من فعلو هذا مسلمين هو اجحاف بحق المسلمين انفسهم………….فديننا لا يأمرنا بتفجير الكنائس وترويع الأمنين ………….اذا من فعل هذا حتي وان كان مسلم…………. لا تجوز عليه كلمه مسلم لانه حاد عن مبداء الاسلام …………هناك من يركب الموضوع من زاويته هم متطرفين ولا يريدو خير بمصر……………علشان منصب ممكن يبيع دينه…………وهم للاسف من الطرفين فيهم مسيحيين ومسلمين………..يقدر المسلمين ما أصاب لاخوتهم الاقباط ولا يتناسون المصاب للمسلمين انفسهم………..اما ان يركب بعض الافراد الموجه لزرع بذور فتنه………..فعلي الدوله ان تضرب بيد من حديد…………….ليس هذا وقت المجاملات الدوله في محنه ومستهدفه داخليا من متطلعين للكراسي ………..وخارجيا يسعون الي اشعال نار الفتنه اعجبني ما قاله البابا شنوده بابا الاسكندريه……….كان كلامه في الصميم الهدوء ممكن ان يحل مشاكل ولكن الفوضي………..تشعل حرائق تحرق الجميع مسيحي ومسلم…………..ادعو القيادات الدينيه ان يوجهه ابنائهم ويطالبو من الدوله بضرب بيد من حديد لكل من يحاول…………ان يشعل فتيل الفتنه……والقبض عليهم مهما كانت مناصيهم او دياناتهم………….فالخطب اصاب مصر كلها ومن يركب عبائه الدين…………. ويريد ان يحارب اخيه المصري…………………..هو متطرف من الطرفين.

  18. محمد 05/01/2011 07:54 -

    لا استطيع التعليق الا بالقول ( حسبنا الله ونعم الوكيل)

  19. عاوزين نعرف التفجير التانى فين وامتى علشان نروحوا
    نفسى اكون مع الشهداء والقديسين

  20. واحد مسلم 05/01/2011 03:13 -

    اولا بقدم التعازى لكل المصريين وااكد لكم ان اللى عمل كدة مستحيل يكون من ابناء مصر لان مصر عمر محد فيها يعمل كدة لاننا اخوات واطالب جميع المصريين مسلمين واقباط الصلاة يوم الجمعة والدعاء لاخوانهم الشهداء

  21. نسرين 04/01/2011 22:09 -

    اللى عمل كده فى منتهى الغباء .. لانه فاكر بكده هيعمل فتنة بينا .لكن هيهات بنقوله روح العب بعيد كان غيرك اشطر .. وفعلا تسلمى ياشدة ياللى بتبينى الطيب من الرضى . وربنا يلطف بينا جميعا امين امضاء مصرية

  22. كابو بوكس 04/01/2011 21:05 -

    انا بقول لكل الناس مسلم ومسيحى انى احنا الاثنين اخوة وانشاء اللة ربنا هينصرنا على الارهاب وكمان انا عاوز اقول حاجة مفيش حاجة اسمها مسلم ومسيحى احنا امة وشعب واحد وشكرا

  23. مسلم وبجد قلبي وجعني على كل مسيحي 04/01/2011 19:52 -

    أن شاء الله تقوم بالسلامه وترجع لبيت واسرتك , والحمد لله انهم بخير.

  24. hanania soltan 04/01/2011 19:52 -

    احنا اقباط مصر ودم الشهدا مرحش هدر لانى فى احضان السيد المسيح له المجد البلد دى بلدنه اتولادنا فيه و هنموت فيه حتى لو شهدا انا مسيحى ولى كل الفخر

  25. مرمر 04/01/2011 16:27 -

    اولا نشكر اللة الذي منح هذة التعمة والكرامة لكل من استشهد علي اسم الرب يسوع وذاك اشتهاء كل مسيحي وعلي فكرة احنا بنحبهم لان اللة قال احبو اعدائكم وقادر ان يحول الشر الي خير ويحول الزئاب الي حملان في حظيرتة

    واحنا مش ممكن نخاف لان اللة قال لا تخف 365مرة في الكتاب المقدس وقال نقشتكم علي كفي من يمسك يمس حدقة عيني ونشكر كل شعور المسلمين نحية الموضوع

  26. الاسكندرنية(مسلمة) 04/01/2011 15:05 -

    حمد اللة على سلامتك وربنا يصبرنا جميعا

  27. لا حول ولا قوة الا بالله وربنا يصبر اهالى الضحايا سواء مسلم اومسيحى واتمنى ان تكون اخر اعمال العنف والارهاب ومهما حصل مصر وحدتها مش هتنكسر ابدا ابدا واشهد ان لا اله الا الله سيدنا محمد رسول الله

أضف تعليقاً