رسائل شم النسيم قصيرة

رسائل شم النسيم قصيرة

مصريات – موعد شم النسيم للعام  2019 يوافق يوم الاثنين بتاريخ 29 من شهر ابريل الجاري.

وبالطبع رنجة وبالكوم .. بصل وجهزته .. فسيخ واشتريته .. بيض ولونته .. مش ملاحظ انه كل أكل بس.

رسائل تهنئة بيوم شم النسيم 2019 قصيرة

مسجات شم النسيم قصيرة

طيب .. ابدأ يلا جهز مسجات شم النسيم وبلاش تصهين وتطنش.

محدش ها يعتقك لو نسيته باروع مسجات معايدة مضحكة بيوم شم النسيم القصيرة الجديدة من جيرانك واللي شغال معاهم، او حتى الست حماتك ابعتلها رسائل شم النسيم 2019 قبل ما تدخل عليك بطبق ملوحة تفطس بعديه ويجيب اجلك.

هنا وليس بمكان اخر تجد رسائل شم النسيم اخر اصدار مش هاتلاقيها بمكان تاني ابعتها للموبايل على واتس اب او على الفيس بوك، انستاجرام او تويتر او حتى بالبريد السريع انت وحظك توصل ولا تكون الخطوط والشبكة واقعة.

  • نظرا للإقبال الشديد على موبايلي من شم النسيم الماضي مما ادى الى امتلاء الذاكره، بيسعدني اقولك اني هبدأ التهاني من اليوم وكل شم نسيم وانت بخير.
  • عدد ورق الشجر وعدد رمش البصر …أهنيك قبل البشر بشم النسيم يا قمر.
  • لا تفتح الرساله إلا بعد 3  ايام برضه فتحتها طيب بس عايز اقولك كل شم نسيم وانت في سعادة حب.
  • أتمنى لك شم نسيم سعيد  وافتكرني في البصل والفسيخ واني اول واحد هنيتك.
  • تهنئة من الوريد الى الوريد وقبل الزحمة والمواعيد كل شم نسيم وانت مبسوط وسعيد.
  • من بكرة بنبتدى العد العكسي جمعة .. سبت .. حد وبعدها اهنيك بـشم النسيم.
  • أنا وقلبي فدى عيونك أنا تعودت على جنونك ومش عايز شم النسيم من دونك.
  • الفسيخ ماتكترش منه , البيض ابعد عنه , البصل ماتقربش منه , حبيبك قرب منه.
  • باقه ورد وعطر وياسمين ابعتها بس للحلوين واقول كل سنه وانت طيبين بمناسبة شم النسيم.
  • كل شم نسيم وانت طيب، المرسل: عيد ربيع سعيد.
  • ممكن تزورنا؟ محتاجينك ضروري ..عاملين رنجة ومحتاجين ملح ..هاته بجيبك.

بطاقة فلاش تهنئة يوم شم النسيم 2019

اخبار ومواضيع ذات صلة:

رسائل شم النسيم 2019 مسجات قصيرة في موعد يوم الربيع المصري

36 comments
  1. رحاب 15/04/2014 07:03 -

    حرام ايه بس اللي انته بتتكلمو عليه دي يوم شم النسيم كفايه بس الهواء الجميل اللي فيه

  2. marinatadros 20/04/2012 22:55 -

    شم النسيم هو عيد بيعيد فيه كل المصريين وكل المصريين أخوه وأيد واحده
    وكل شم نسيم ومصر بخير.

  3. noha nada 16/04/2012 19:21 -

    مرة واحد بيسال صاحبه بيقوله هاتعمل ايه فى شم النسيم قاله لا ده حرام ده عيد مسيحين وانا مش عايز اتشبه بالمسحين قاله براحتك تانى يوم سال عليه قاللوله ده على كوبرى الرباط

  4. ابراهيم ابو طالب 16/04/2012 15:22 -

    شم النسم للبيض ولا لي اية يا رجالة دا حتي تلوين البيض بدعة

  5. مش حرام هما بيقولوا حرام عشان عيد مسحين

  6. كل شم نسيم ومصر حلوة وطيبة زي زمان

  7. كل شم نسيم ومصر حلوة وطيبة زي زمان

  8. يوسف حسين متولى زهران 15/04/2012 18:35 -

    كل سنه وانتم طيبين

  9. اسلام المرادى 15/04/2012 13:00 -

    كل سنة ومصر كلها بخير وسلامة وعلى فكرة يا جماعة محدش يفتى ويقول حرام أو مش حرام.

  10. رسائل رائعة بجد , شم النسيم من المناسبات الجميلة ويكفي الجو الجميل 
    واقترح مزيد من الرسائل 

  11. رمضان القاضى 24/04/2011 23:35 -

    يا جماعه متتحاملوش على الناس اللى بتقول حرام
    هو فعلا حرام لان لم يتبين لنا فى الران الا عيد الفطر المبارك وعيد الاضحى انما احنا ممكن برده نفرح من غير ما يبقى ده عيدو نفرح بفصل الربيعوناكل كل اللى نفسنا فيه ونعمل كل ما لا يغضب الله .ولو حد عنده راى تانى يرد عليا وجزاكم الله خيرا
    …..

  12. دى عيد الربيع بنحتفل فية مع اخوتنا النصارة علشان احنا ايد واحدة 

  13. كل سنة ومصر كلها بخير والاخوة النصارى كل عام وهما بخير ومصر فى امان وسلام 

  14. الله موجود فوق الوجود كل سنه وانتم طيبين

  15. شم النسيم مش حرام 21/04/2011 09:22 -

    شم النسيم مش حرام هؤ عيد فرعؤنى

  16. باربي 05/04/2010 13:58 -

    النايم يصحا الزعلان يفرح العيان يقوم شم النسيم هل بالوان الربيع بالبيض و الفسيخ وجو الممتع و ورده المفتح نصيحة مني الكل يقوم و يمبسط وينسى كل الوحش و يفتكر الجميل

  17. باربي 05/04/2010 13:55 -

    لونت البيض وكلت الفسيخ شم نسيم سعيد عليك و على كل مبسوط والزعلان يفرح

  18. مناااااااال 05/04/2010 12:38 -

    حرام ليه هي الناس مستكترة علينا الفرحه والأعياد ده أكل الفسيخ والبيض هو الفرح غلي علينا زي كل حاجه حوالينا إرحموووووووووووونا سيبونا نفرح حتي ولو ليووووم فى السنه نلعب ونخرج للهواء الحر قبل ما يبيعوه

  19. مصطفي 05/04/2010 09:26 -

    شم النسيم عيد فرعوني قديم يتم الاحتفال بيه عند الخروج للحدائق والمتنزهات والشواطئ وكل شم نسيم وانتم طيبن وعقبال كل سنه

  20. منة بنت الاقصر 04/04/2010 23:19 -

    يا جماعة افرحو ولونو البيض وكلو الفسيخ واحنا مصريين لازم نتحتفل بالعيد دة مش كل واحد يفضل يقولنا حرام وكدة نصدقة انا على العموم بحتفل بالعيد دة وكل واحد حر فى نفسة

  21. mohamed nour 003 04/04/2010 22:50 -

    مشكوور على الرسايل

    بس هو يوم احتفاال فرعونى
    بس انا احب اقضيه على البحر فى اسكندرية

  22. mohamed nour 03 04/04/2010 22:46 -

    شم النسيم ____يوم لزيز ____ بس الفسيخ والسمك البيخلو يوم رحتة وحشة

  23. الى وفاء شم النسيم هو عيد فرعونى نحتفل فيه ببداية فصل الربيع و ذلك بالخروج الى الحدائق واكل الاسماك المملحه وتلوين البيض واكل الخس و البصل الاخضر و الى الاخت رانيا لم لانجعل من هذا اليوم يوما للتأمل في بديع صنع الله و يوما نشكر الله فيه علي ما احاطنا به من جمال وبذلك نحول هذا العيد لمناسبه جميله لا تضرنا دينيا بدلا من الحكم العام بأن شم النسيم حرام

  24. مونى قمر 03/04/2010 20:14 -

    عموما هو عيد الربيع الجو معدش سقعه
    وانه بادىء فى التحسن من جو البرد والمطر
    وكل شى فيه يكون حلو ابتداء من الورود اللى بتتفتح
    نحاول ننسى اللحمه
    والميه
    والكهربا والتليفونوالدروس والغلاء عموما
    المهم
    انننا نريح اعصابنا لاستكمال الحياه بنوع من التفاؤل

  25. شم النسيم عيد فرعونى بمناسبة الربيع و المصريين بيحتفلوا به للنهاردة وهو عيد الفصح

  26. سمير عوض محمود 01/04/2010 16:49 -

    كل سنه ومصر كلها بتم النسيم
    نسيم الغلاء وارتفاع اسعار اللحوم واستهلاك الماء والدروس الخصوصيه ورغيف العيش وفاتورة التلفون والكهرباء كه ولس مفيش حد هياكل يبقي يشم النسيم وبس

  27. وفااء 01/04/2010 16:31 -

    ممكن حد مصري……….يفهمني يعني ايه شم النسيم؟؟؟؟؟؟؟؟؟؟؟؟؟هو عيد ولا شو بالظيط……………

أضف تعليقاً