فضيحة الاخوان المسلمين على عينك يا تاجر |مسلسل الجماعة 2010

مسلسل الجماعة 2010

مسلسل الجماعة 2010

كتب – احمد سلامة

معلش يا احفاد حسن البنا .. تعيشوا وتاخدو غيرها إنتم والموهومين اعجابا ودفاعا عن الأخوان المسلمين .. سبق السيف العزل .. الفضيحه بقت على عينك يا تاجر .. اتفرجتوا طبعا على الحلقات الأخيره 25 و 26 و 27 وشفوتوا ازاى انهم عصابة مجرمين وليسوا اخوان مسلمين !

فصفة الأخوية و دين الأسلام منهم براء براءة الذئب من دم بن يعقوب.

.. المسلسل يحكى حقائق يا أولى الألباب
هذه الحقائق حدثت بالفعل .. ومسجله بأرقام وأحكام قضاياها يا اصحاب العقول الضائعة ..
انظروا فى آخر تتر المسلسل قبل اسم المخرج .. ستجدون طابورا من المراجع والأبحاث فى تاريخ جماعة الأجرام .. وسينظر إليها القاضى فى القضية المرفوعة منهم ليضاهى احداثها المؤرخة بما جاء فى المسلسل ..
فمن قبل أن يقراء تلك الكتب والمراجع المتوفرة بكثرة فى المكتبات وعند بتوع الجرائد من عامة الناس وغيرهم ولم يعترض .. فعليه الآن أن يشاهد المسلسل .. وفى فمه لكمة من سد الحنك .. أو يهوينا ويلزم الصمت ..

المسلسل حيادى جدا .. ونظيفا جدا من اى شبهة أو شائبة فيها أى تجنى على الأطلاق .. واعتقد أنه سيكون الجزء الأول لأجزاء تالية سوف تأتى عن أحداث وقعت أوستقع ليحكى عن إجرامهم مع سبق الأصرار والترصد تحت ستر عباءة الدين !
إييييييييه .. ما تفوقوا شويه بقى يا مسلمين .. هو احنا هنفضل كده دايما دراويش على طول ؟
يعنى على الأقل .. ألم يطراء فى عقولكم سؤالا صغيرا وهو :
هل هم اخوان مسلمين .. وهل نحن اخوان كافرين ؟
من أى مصدر دينى وتشريعى اشتق هذا الأسم ؟
من أى آية أو أى حديث نبوى أو قدسى اشتق هذا الأسم ؟

لا حول ولا قوة الا بالله العلى العظيم ..
اللهم اكشف الغمامة من عقول السذج والبسطاء من عامة الناس ..
مع خالص تحياتى وتقديرى للأستاذ العظيم / وحيد حامد وكل من شارك فى هذا المسلسل ولو بقلبه فقط .. فحتما .. كان لابد من هذا المسلسل .. إنه عمل رائع قد تأخر كثيرا عن ميعاده .. وآن الأوان ليفضح الحقائق ويكشف المستور

اخبار ومواضيع ذات صلة:

13 comments
  1. سلام سليم 21/07/2012 01:56 -

    هذه الجماعة جماعة ارهابية هدفهم السيطرة على البلاد وليس البلد فقط والغريب انهم يسمون انفسهم مسميات اسلامية كحزب الله /جماعة الاخوان المسلمين/ج الدعوة السلغية/ ج الامر بالمعروف والنهى عن المنكر والاسلام منهم برىء

  2. نهلة سلامه 27/05/2012 13:26 -

    الاخوان المسلمين هم جماعة افاقين كل شيئ بيحبوا يوصلوا ليه تحت شعار الدين كنت ايام الجامعة هناك الاخوة المسلمين بالجماعة اثناء الجامعة يدخلون الفتيات الجامعيات الاتى لاحول لهم ويقنعوهم بالزواج تحت ستار الشريعة وحكم الله بكلمة واحدة هى زوجينى نفسك ويقوم رئيس الجماعة اولا بزواجها وبعد ان يسلبها شرفها يقوم بطلاقها شفاهة ليقوم زميله بزواجها وهكذا كان أفراد الجماعة يتناوبون البنات فيما بيهم لعنة الله عليهم .

  3. محمد 01/09/2011 08:56 -

    الاخوان اقذر ناس ف الارض ..ونفسى اعرف تنظيمهم دة اخرة اية واية هدفهم شوهوصورة المسلمين فى كل مكان ولاد ***

  4. محمد 14/09/2010 06:30 -

    دفعولك كام يااحمد يا سلامه وان شاء الله حايرموك رمية الكلاب ذي غيرك مش تحسب ان انت كدا متقوي بيهم لا فالله اقوى واكبر منك ومنهم ايها المنافق

  5. عبد الرحمن 09/09/2010 20:28 -

    لن اقول اي تعليق – كله هيكون مجرد كلام في كلام لاكن الشئ الاكيد ان وحيد حامد وكل من ساهم في المسلسل هينزل القبر وربنا هيحاسبه على كل الا حصل- بس يا ريت يجهز الكلام الا هيقولوه قدام ربنا – يا ترى هيعرفوا يجاملوا ساعتها او يكدبوا –

  6. محمود سامي 08/09/2010 05:38 -

    يا اخ حسن ……. انت تعرف ان عبد الناصر وعبد الحكيم عامر وعظم الظباط الاحرار اللي حكموا مصر وسقفنالك كانوا من ضمن التنظيم السري وقاده لسرايا وكتائب فيه كمان …. التنظيم السري كان له اهداف نبيله هو التخلص من الانجليز واليهود الذين يمولون الجيش الاسرائيلي والمسئولين الفاسدين او الذين يقومون باعتراض طريق جهاد الاخوان ضد اليهود والانجليز … طبعا مش هدافع عنهم على طول الخط زي ما ابلعض بيعمل حصل تجاوزات من الاخوان مكانش مفروض تحصل رغم ان ليها دوافعها واسبابها من الظلم والفساد وقتها اللي حصل من الشخصيه المغتاله لكن برضه دا في نظري مش مبرر للاغتيالات وديه وجهات نظر لكن في مجمل الامر الاخوان ليهم ايدي بيضاء في حاجات كتير زي حرب فلسطين واقامه مراكز العلاج والمستوصفات بالمجان او باسعار رمزيه واقامه مجالس العلم لتعليم الدين والاخلاق والدعوه الى الله ولو قرات كتب حسن البنا في العقيده والاخلاق ستعرف هذا المعنى اما تسميتك بالاخوان الشياطين او الاخوان الملايكه فهذا لا يجوز انت بالزبط على نقيض الاخوه الذين يدافعون عن الاخوان على طول الخط كانهم ملايكه بس انت شغال شياطين …… يا اخي لا تعتبرهم ملاكيه ولا شياطين الاخوان اخطأوا واخدوا جزائهم من العذاب والتنكيل والاعتقال عشرات السنين وحاليا نبذوا العنف تماما واقروا الدعوه السلميه ونتقدوا الاغتيالات اللي حصلت منهم في الماضي وووعدوا بعدم تكرارها تحت اي ظرف كلنا بنغلط المهم هما دلوقتي فين وبيعملوا ايه لو هتحاسب كل انسان على ماضيه فقط وتتجاهل حاضره هتظلم الناس كلها لان كلنا بنمر في مراحل حياتنا بسقطات وعثرات وكوارث

  7. محمود سامي 08/09/2010 05:13 -

    تكمله للتعليق السابق……. وبالنسبه للمراجع اللي بيتكلم عنها وحيد حامد في تتر المسلسل طبعا هي مراجع مختلطه منها مراجع للاخوان ومنها مراجع لاعداء الاخوان وطبعا كل احداث المسلسل مستقاه فقط من مراجع اعداء الاخوان وواضح في اخر حلقه انهارده انه بيحضر لسيناريو اغتيال حسن البنا بواسطه اعضاء من جماعه الاخوان نفسهم اللي هي روايه امن الدوله وكتب اعداء الاخوان وهي الروايه الاضعف وليس لها دليل اطلاقا غير خيالاتهم والروايه المثبته فعلا وفيها احكام صداره من المحكمه وحبس للمتهمين ان القاتل هو ظابط بوليس تم تكليفه مع مجموعه باغتيال حسن البنا وكان هذا التكليف من رئيس الوزراء مباشرة وبمباركه الملك لانه اراد التخلص من الجماعه تخوفا على عرشه وتم القبض على الظابط وكان هناك شهود وتم الحكم عليه بالسجن المؤبد وقضى فتره 4 سنين بالسجن تقريبا ثم اخرجهم جمال الرئيس عبد الناصر (عضو التنظيم السري للاخوان سابقا) بعد حادثه المنشيه (المزورة) وادخل الاخوان المعتقلات وانزل بهد اشد العذاب وهذا مثبت في الكتب والمراجع بارقام المحاضر والجلسات وكل شئ بينما الطرف المعادي للخوان يتكلم بدون سند قضائي ولا دليل فقط كلام مرسل وقالي وقولتلي وزادلي وعدتلي وبحلقلي وبصلي

  8. محمود 08/09/2010 05:06 -

    انا لا من الاخوان ولا من البتنجان انا مسلم مصري مستقل عن اي حزب او جماعه

    المسلسل طبعا تزوير للحقائق بنسبه كبيره طبعا مش كله تزوير لكن نقدر نقول المسلسل فقط صفه الحياديه اطلاقا ودا كان واضح جدا في المعامله الخمس نجوم بتاعه امن الدوله لمعتقلين الاخوان واحنا عارفين معاملتهم الاصليه بتكون ازاي والريسيبشن بتاعهم شكله ايه انا معاك ان جماعه الاخوان جماعه لها اخطاء كتير كبيره وصغيره لكن هما في االخر مسلمين ووطنيين زيهم زيي وزيك ولا مزايده على ذلك والخطأ دا شئ بشري كلنا بنتعرضله خصوصا لما تكون جماعه في بدايه تكوينها وفي الظروف اللي البلد كانت فيها من احتلال انجليزي ونظام حكم جاير دكتاتوري لازم يتولد بعض مظاهر العنف المضاد للعنف اللي بتمارسه الحكومه والاحتلال حتى لو كان عنف بسكل خطأ لكن الجماعه حاليا صححت من اوضاعها كتير ونبذت العنف تماما واتعلموا من المرحله ديه لكن عيب علو وحيد حامد لما يذكر فقط مساوئ الاخوان ويظهرهم في شكل الشياطين اللي ملهمش اي حسنات امل الناس كانت بتمشي معاهم وبتتبعهم ليه هتقوللي عشان بيلعبوا على وتر الدين هقولك لا يا حبيبي شوفلك غيرها عندك جماعه التكفير والهجره والجماعات الاسلاميه وجماعه مصر الفتاة وجماعه السلف كل دول بيشتغلوا على وتر الدين اشمعنى بقا الاخوان اللي قدروا يستمروا رغم انهم الاكثر اضطهادا واعتقالا ازاي قدروا ينتشروا في 72 دوله ودا محدش في العالم كله قدر يعمله وازاي قدروا يحوزوا على شعبيه الناس وتعاطفهم بشكل واسع جدا بحيث يصبحوا القوه المعارضه رقم واحد امام النظام اكتر من 60% من المعارضه البرلمانيه داخل المجلس من الاخوان رغم التزوير والحكومه منعت معزم النقابات والجامعات من انها يكون فيها انتخابات وبقت بالحراسه والتعيين عشان خايفين من الاخوان كانوا بيكتسحوها وكل ميعتقلوهم يطلع غيرهم يا ريت بدون مصادره على فكر الناس وبدون وصايه على عقول الناس واتهام الناس انهم جهلاء وبيجروا ورا كلام الدراوييش والدين حد من المعارضين للاخوان على طول الخط يقولنا ليه الناجح المنقطع النظير للاخوان دا على مدار السنين رغم ان جميع الاحداث والاخطاء معروفه للناس قديمها وحديثا

  9. خالد 07/09/2010 12:25 -

    حسبنا الله ونعم الوكيل فيك
    كيف تحكم على أناس مثل هؤلاء بمسلسل كاتبه حاقد على الإخوان
    حسبنا الله ونعم الوكيل فيك

  10. عبدالله مصطفى جوده 06/09/2010 19:52 -

    حسبى الله ونعم الوكيل فيك يااحمد ياسلامه
    وان شا ءالله ربنا هيجيبلك مرض مش هتقوم وهيحتار فيك الدكاتره بسبب الافتراء على ناس طاهره

    مع انى لا انتمى لجماعة الاخوان المسلمين

  11. ishehoud 06/09/2010 12:41 -

    حسبى الله ونعم الوكيل فيك يا احمد يا سلامة على فكرة انا مش مع الاخوان لكن برده مش مع الحكومة اللى دفعالك علشان تقول كده المخرج العظيم بتاعك نطلعهم شياطين ومطلع الحزب الحاكم والداخلية ملايكة هى دى الصراحة والواقعية انا معترض على المسمى بس انهم اسمهم اخوان لكن فعلهم والله احسن من المؤلف العظيم المنافق بتاعك ,,,,,,,,,, يا ترى دفعولك كام على البقين دول ولا يا ترى وعدوك باية بالظبط؟

  12. بتدافع عن مين يا راجل

    لا خلاف تاريخي علي انهم قتلوا النقراشي
    ولا خلاف تاريخي علي انهم اسسوا التنظيم السري المسلح برياسه عبد الرحمن السندي
    … و كمان كانوا بيقبضوا 500 جنيه شهريا من الانجليز من شركه قناه السويس
    الله الله علي الاخوان الشياطين
    احسن نسميهم اخوان البنا و ما لهمش دعوه لا بالدعوه ولا بالمسلمين

  13. محمود 05/09/2010 11:01 -

    فعلا يا شباب اقراو المراجع ومعاها كتاب دور الاخوان في حرب فلسطين لكامل الشريف وشهادة قائد الجيش المصري في حرب فلسطين ونص أحكام القضاء للاخوان أيام القضاء المدني والقاضي اللي حاكم الاخوان وبقى منهم

    ورأي النقراشي في حرب فلسطين واصدار أوامر للجيش باعتقال الاخوان من على الجبهة وقتله للطلبه اللي اتظاهروا ضد الانجليز على كوبري عباس (والمحكمة برأت الجماعة من قتله وحكمت انه عمل فردي) اقرأوا وماتسيبوش عقولكم لوحيد حامد وأحمد سلامة وأحمد موسى

أضف تعليقاً